आन्दोलनरत कानुन व्यवसायीले गृहमन्त्री बालकृष्ण खाँणको पनि राजीनामा मागे

काठमाडौं । प्रधानन्यायाधीश चोलेन्द्रशमशेर जबराको राजीनामा माग्दै आन्दोलनरत कानुन व्यवसायीले गृहमन्त्री बालकृष्ण खाँणको पनि राजीनामा मागेका छन् ।

सर्वोच्च परिसरमा दंगा प्रहरी परिचालन गरिएको र शान्तिपूर्ण आन्दोलनमा बल प्रयोग गरेको विरोधमा कानून व्यवसायीहरुले गृहमन्त्रीको राजीनामा मागेका हुन् ।

 उनीहरूले आज गृहमन्त्री बालकृष्ण खाँणविरुद्ध नाराबाजी गरेका छन् । उनीहरूले प्रधानन्यायाधीशकाे राजीनामा माग्दै नाराबाजी गरिरहेका हुन् । 

‘हामी अरु जान्दैनाैँ, चोलेन्द्रलाई मान्दैनौँ’ लगायतका नारा कानुन व्यवसायीहरूले लगाइरहेका छन् । १४ कात्तिकदेखि धर्ना दिन सुरु गरेकाे बारले २६ कात्तिकदेखि जबरालाई सर्वाेच्च छिर्न नदिने भन्दै मूल गेटमा बाटाे छेकिरहेकाे छ । बारले मूल बाटाे छेकेपछि प्रधानन्यायाधीश जबरा वैकल्पिक बाटाे भएर सर्वाेच्च छिर्ने गरेका छन् ।