प्रधानन्यायाधीशविरुद्ध बार एशाेसिएसनको धर्ना आज पनि जारी

काठमाडौं ।  आफ्नो शान्तिपूर्ण धर्नामा प्रहरीले दमन गरेको भन्दै प्रधानन्यायाधीश चोलेन्द्र शमशेर जबराप्रति थप आक्रोशित बनेको नेपाल बार एसोसिएसनले आजदेखि देशव्यापी विरोध कार्यक्रम गर्दैछ । 

प्रधानन्यायाधीशले अदालतको गरिमा कायम राख्न नसकेको, विकृति, विसंगति र भ्रष्टाचार रोक्न नसकेको लगायतका माग राखेर नेपाल बारले सर्वोच्च अदालत घेराउदेखि विभिन्न आन्दोलन गरिरहेको छ ।

बारले आजदेखि शुक्रबारसम्म देशव्यापी विरोध गर्ने भएको हो । बार महासचिव लीलामणि पौडेलले देशभरका बार इकाइलाई पत्राचार गर्दै ५ देखि १० मंसिरसम्म आन्दोलनमा उत्रिन आग्रह गरेका छन् ।