मेयरविरुद्ध आन्दोलन गर्न काठमाडौं पुगे जनकपुरका जनप्रतिनिधिहरू

काठमाडौं ।  जनकपुरधाम उपमहानगरपालिकाले फोहर व्यवस्थापन गर्न कुनै चासो नदेखाएकाे भन्दै वडाका जनप्रतिनिधिहरू मेयर लालकिशाेर साहको राजीनामा माग्दै काठमाडौं आएका छन् । 

जनकपुरधाम उपमहानगरपालिका ३ का वडाध्यक्ष दिपेन्द्र साह, ४ का वडाध्यक्ष सुदर्शन सिंह र ७ का वडाध्यक्ष जानकीराम साह लगायतका जनप्रतिनिधि आज विहान काठमाडौं पुगेका हुन् । पटक-पटक आन्दोलन र कार्यालयमा तालाबन्दी गरे पनि मेयर साह नसुसध्रएपछि आन्दोलन गर्न काठमाडौं आएको उनीहरुले बताएका छन् ।

याे टाेलीले आज सामान्य प्रशासन मन्त्रालयमा ज्ञापन पत्र बुझाउने कार्यक्रम छ  । उनीहरूले माइतीघरमा प्रदर्शन गर्ने तयारी पनि गरेका छन् । स्थानीय तहकाे चुनावका बेला मेयर साहले सरसफाइकाे मुद्दालाई प्राथमिकतामा राखेकाे तर चुनाव जितेपछि ध्यान नदिएकाे उनीहरूकाे आराेप छ ।