एमाले अध्यक्षमा ओलीको अग्रता,अध्यक्षमा ओलीले ९१९ मत पाउँदा भीम रावललाई १०४ मत

काठमाडौं । एमालेको नयाँ नेतृत्व चयनका लागि भएको मतदानको मतगणना जारी छ । 

सौराहामा जारी मतगणनाको प्रारम्भिक परिणाम पनि आउन थालेको छ ।अध्यक्षमा केपी शर्मा ओलीले भारी मतले अग्रता लिएका छन् । विद्युतीय भोटिङ मेसिनबाट भइरहेको मतगणनामा प्रतिस्पर्धी भीम रावललाई ठूलो मतान्तरले पछि पार्दै ओली विजयनिकट पुगेका हुन् ।

३५ वटा विद्युतीय मेसिनको मत गणना हुँदा अध्यक्षका उम्मेदवार केपी ओलीले ९१९ मत पाएका छन् । उनका प्रतिद्वन्द्वी भीम रावलले १०४ मत पाएका छन् ।