सीपीलाई प्रचण्डको प्रश्न–राप्रपाको अध्यक्ष हुन लागेको हाे?

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा (माले)का महासचिव सीपी मैनालीलाई राप्रपा अध्यक्ष बन्न लाग्नुभएको हो ? भन्दै प्रश्न गरेका छन् ।

राजतन्त्र सिध्याउनुपर्छ भनेर टाउको काट्ने (झापा बिद्रोह) सुरुवात गरेका मैनानलीले महेन्द्रलाई महान राजा भनेको सुन्दा अनौठो लागेको प्रचण्डले बताए ।

बुधबार काठमाडौंमा राप्रपाको एकता महाधिवेशनको उद्घाटन समारोहमा शुभकामना सन्देश दिँदै उनले ‘सीपी मैनाली हिजो राजतन्त्र सिध्याउन लागिपरेको मान्छे आज राजाको जयजयकार गर्दै हिँडेको’ बताए । उनले मैनालीलाई राप्रपा अध्यक्ष बन्न खोजेको हो ? भन्दै प्रश्न पनि गरे ।

विचारमा मतभिन्नता हुँदाहुँदै अराजकता अन्त्य होस्, राजनीतिक स्थिरता नहोस् भनेर संविधानसभाबाट संघीय लोकतान्त्रिक गणतन्त्रको संविधान बनाउन भूमिका खेलेको भन्दै प्रचण्डले राप्रपाको प्रशंसा समेत गरे ।