नेता रामचन्द्र पौडेल आफ्नो समूहको बैठक छाडेर किन नेता कृष्णप्रसाद सिटौलाको निवास चन्डोल पुगे?

काठमाडौं । नेपाली कांग्रेसका वरिष्ठ नेता रामचन्द्र पौडेलले पूर्वमहामन्त्री कृष्णप्रसाद सिटौलासँग छलफल गरेका छन् । 

पौडेल आफ्नो समूहको बैठक छाडेर नेता कृष्णप्रसाद सिटौलाको निवास चन्डोल पुगेका हुन।उनीहरूबीच केही बेर कुराकानी भएको स्रोतले जानकारी दियो । तर, कुराकानीको विवरणबारे खुलाइएको छैन । 

पौडेल समूहबाट नेता पौडेलसहित पूर्वमहामन्त्री प्रकाशमान सिंह र डा. शेखर कोइराला सभापतिका आकांक्षी छन् । सिंह र कोइरालाबीच सहमति नजुटे पौडेल आफैं सभापतिका लागि अगाडि बढ्ने रणनीतिमा छ ।

कांग्रेसमा सभापति शेरबहादुर देउवा, पौडेल र सिटौला पक्षको छुट्टाछुट्टै बैठक चलिरहेको छ ।