सिरहामा छुरा प्रहार गरी एक युवकको हत्या,घटनाको विरोधमा स्थानीयद्वारा प्रदर्शन

जनकपुरधाम । सिरहामा छुरा प्रहार गरी एक युवकको हत्या भएको छ । शनिबार राति गोलबजार नगरपालिका ६ डोहटियाका २६ वर्षीय रामकुमार सदायको हत्या भएको हो ।

 छुरा प्रहारबाट एकजनाको हत्या र एक जनालाई घाइते बनाएको घटनाको विरोधमा स्थानीय आन्दोलित भएका छन् ।डोहटिया टोलका बासिन्दा गोलबजार आएर पूर्व–पश्चिम राजमार्ग अबरूद्ध पारेका हुन् । 

अज्ञात समूहले छुरा प्रहार गरी रामकुमार घटनास्थलमै मृत्यु भएको र १९ वर्षिय निकेश सदाय घाइते भएको ईलाका प्रहरी कार्यालय गोलबजारका प्रहरी नीरिक्षक सन्तोष राईले जानकारी दिए ।