बालकको लिंगमा रबर बाँधेर यातना दिने महिला पक्राउ

काठमाडौं । बालकको लिंगमा रबर बाँधेर यातना दिने महिलालाई कास्की प्रहरीले पक्राउ गरेको छ । 

पक्राउ पर्नेमा पोखरा महानगरपालिका वडा नम्बर १५ गलेश्वर चोकस्थित न्यू लाइफ स्कुलकी होस्टेल वार्डेन जिल्ला नुवाकोट पञ्चकन्या गाँउपालिका वडा नम्बर २ घर भई हाल पोखरा १४ बस्ने वर्ष २७ की जानुका नेपाली रहेको कास्कीका प्रहरी प्रवक्ता सुन्दर तिवारीले जानकारी दिए।

बालबालिकासम्बन्धी ऐन, २०७५ बमोजिम बालबालिकाविरुद्धको कसुरमा जाहेरी परेपछि नुवाकोट घर भई पोखरा-१४ बस्ने २७ वर्षीय जानुकालाई पक्राउ गरिएको कास्की प्रहरी प्रवक्ता डीएसपी सुन्दर तिवारीले जानकारी दिए । 

नेपालीलाई मंगलबार नै अदालतबाट ५ दिनको म्याद थप गरेर प्रहरीले अनुसन्धान थालेको छ।