२०७९ मंसिर २४
December 10, 2022, Saturday

राजनीतिकर्मी खतिवडाको कृति ‘अभियन्ता’ लोकार्पित

राजनीतिकर्मी खतिवडाको कृति ‘अभियन्ता’ लोकार्पित

काठमाडौं । शिक्षक तथा वामपन्थी आन्दोलनबाट परिचित बद्रीप्रसाद खतिवडाद्वारा लिखित कृति ‘अभियन्ता’ आज यहाँ लोकार्पण गरिएको छ । घोष्ट राइटिङ नेपालबाट प्रकाशित कृतिमा लेखकका विद्यार्थी, शिक्षक, वामपन्थी तथा छयालीस सालको आन्दोलनमा संलग्न हुँदाका अनुभव, भ्रमण र केही नयाँ योजनाका विषय संलग्न छन् । कुनै समय हरियाली नेपाल पार्टी पनि खोल्नुभएका खतिवडा हाल दलित मुक्ति तथा छुवाछुत विरोधी आन्दोलनमा संलग्न हुनुहुन्छ ।

प्रजातन्त्र, मानवाधिकार र वातावरणसम्बन्धी क्षेत्रमा क्रियाशील लेखकको ८८औँ जन्मोत्सवका अवसरमा आज आयोजित कार्यक्रममा नेकपा९एकीकृत समाजवादी०का सम्मानित नेता झलनाथ खनालले खतिवडा जस्ता व्यक्तित्वका कारण नेपालको वामपन्थी आन्दोलन यहाँसम्म आएको जनाउँदै अब क्रान्तिकारी वामपन्थी दलहरूको अगुवाइमा समाजवादको दिशामा लाग्नुपर्नेमा जोड दिनुभयो । चेतनाका वाहक शिक्षकलाई आफ्नो शिक्षण क्रियाकलापमा बाधा नपु¥याई जुनसुकै विचारमा लाग्न स्वतन्त्रता हुनुपर्ने धारणा पनि उहाँले राख्नुभयो । वरिष्ठ अधिवक्ता कृष्णप्रसाद भण्डारीले न्यायालयको विकृति टुलुटुलु हेर्न नसकिने बताउनुभयो ।

नेपाल राष्ट्रिय शिक्षक सङ्गठनका संस्थापक अध्यक्ष लेखक खतिवडाले आफूहरूले २०३६ साल वैशाखमा हेटौँडामा शुरु गरेको शिक्षक तथा विद्यार्थी आन्दोलनले सोही साल जेठ १० गते जनमतसङ्ग्रहको घोषणा गराउन बाध्य पारिएको विचार राख्दै मिचिएको सीमा फिर्ता ल्याउन र दलितहरूलाई मुक्त गराउन वर्तमान सरकारलाई आग्रह गर्नुभयो । नेपाल जनप्रगतिशील पार्टीका संयोजक हृदयेश त्रिपाठीले वामपन्थी आन्दोलन अगाडि बढाउन खतिवडाहरूले गरेको अग्रपङ्क्तिको आन्दोलनले मुलुकमा वामपन्थी आन्दोलन अघि बढेको बताउनुभयो ।

सो अवसरमा वाग्मती प्रदेशसभाका सदस्य मुनु सिग्देल९लेखककी बुहारी०, कृतिका सम्पादक टङ्क पन्त, घोष्ट राइटिङका अध्यक्ष कमल ढकाल, इञ्जिनीयर नवराज खतिवडा, लेखककी नातिनी शृङ्खला खतिवडा, साहित्यकार मुकुन्द आचार्य र पाण्डवराज कार्कीले खतिवडा सबैका प्रेरणास्रोत भएको र कृतिमा नेपालको इतिहासका मुख्य खण्ड समाविष्ट भएको जनाउनुभयो । कृतिमा महत्वपूर्ण रङ्गीन तस्बिर पनि समाविष्ट छन् ।

समारोहमा लेखक खतिवडालाई स्वास्थ्य तथा जनसङ्ख्यामन्त्री विरोध खतिवडालेखकका सुपुत्रलगायत परिवार, सहभागी अतिथिलगायतले जन्मोत्सवको शुभकामना व्यक्त गर्नुभएको थियो ।रासस

Related News

निलम्बित प्रधानन्यायाधीश चोलेन्द्रलाई सर्वोच्च प्रवेशमा रोक, अन्तरिम आदेश जारी
निलम्बित प्रधानन्यायाधीश चोलेन्द्रलाई सर्वोच्च प्रवेशमा रोक, अन्तरिम आदेश जारी
  • २०७८ पुष ८, बिहीबार १७:३२ गते

काठमाडौ, निलम्बित प्रधानन्यायाधीश चोलेन्द्रशमशेर जबरा सर्वोच्च प्रवेश गर्न नपाउने भएका छन्। उनलाई नियमित काममा फर्किन रोक लगाउन माग गर्दै परेको...

जबरालाई सफाइ दिने निर्णयविरुद्धको रिटमाथि बहस सकियो, न्यायाधीशहरू छलफलमा
जबरालाई सफाइ दिने निर्णयविरुद्धको रिटमाथि बहस सकियो, न्यायाधीशहरू छलफलमा
  • २०७८ पुष ८, बिहीबार १७:३२ गते

काठमाडौं, महाभियोग प्रस्ताव आएपछि गत फागुन–१ देखि निलम्बनमा रहेका प्रधानन्यायाधीश चोलेन्द्रशमशेर जबरालाई सफाइ दिने गरी पत्र दिने निर्णयविरुद्धको रिटमातिथको बहस...

पुष्पकमल, बाबुराम र रामचन्द्रबीच भेटवार्ता
पुष्पकमल, बाबुराम र रामचन्द्रबीच भेटवार्ता
  • २०७८ पुष ८, बिहीबार १७:३२ गते

काठमाडौं, नेकपा माओवादी केन्द्रका अध्यक्ष पुष्पकमल दाहाल’, नेपाल समाजवादी पार्टीका अध्यक्ष डा. बाबुराम भट्टराई र नेपाली कांग्रेसका वरिष्ठ नेता रामचन्द्र...

TOP