२०७९ माघ १९
February 2, 2023, Thursday

परसपुर–गौघाट सडक कालोपत्र हुने

परसपुर–गौघाट सडक कालोपत्र हुने

काठमाडौं ।बाँकेको परसपुर–गौघाट सडक कालोपत्र हुने भएको छ । खजुरा र जानकी गाउँपालिकावासीलाई सदरमुकाम नेपालगञ्जसँग जोड्ने सो सडक स्तरोन्नतिका लागि बोलपत्र भइसकेको डिभिजन सडक कार्यालय नेपालगञ्जका प्रमुख होमबहादुर एसीले जानकारी दिनुभयो । उहाँका अनुसार सो खण्डको १० किलोमिटर नालीसहित कालोपत्रका लागि बोलपत्र भइसकेको छ । यसका लागि बहुवर्षीय योजनामा रु २५ करोड बजेट छ । यो सडक नालीसहित १२ मिटरको बन्ने छ । यसमा प्रिमिक्स कालोपत्र सात मीटरको हुने जनाइएको छ ।

ठेकेदार कम्पनीसँग सम्झौता भएको मितिले सडक निर्माणको समयावधि २८ महिना निर्धारण गरिएको छ । वन क्षेत्र र अन्य कुनै अवरोध नभएकाले निर्धारित समयमै सडक निर्माण हुने जनाइएको छ । सांसद नन्दलाल रोकायले विभिन्न प्रक्रियाका कारण कालोपत्रका लागि ढिलो गरी बोलपत्र भएको उल्लेख गर्नुभयो ।

परसपुर–र्गाघाट सडक विस्तारका लागि पक्की सडक भत्काइएका कारण वर्षात्मा हिलाम्मे भएका सर्वसाधारण अहिले धुलाम्ये हुने गरेका छन् । जिल्लाको जानकी र खजुरा गाउँपालिकाका सर्वसाधारण सदरमुकाम नेपालगञ्ज आवतजावतमा अहिले सास्ती हुने गरेको खजुरा–२ सीतापुरका लक्ष्मीबहादुर थापाले बताउनुभयो । “सडकभरि धुलो छ, नेपालगञ्ज आउन जान धेरै गाह्रो भएको छ, उहाँले भन्नुभयो, “मोटरसाइकलमा आवतजावत गर्दा धुलाम्मे भएर मान्छे चिनिन नसक्ने स्थिति छ ।

बाँके र बर्दियाका ग्रामीण बस्ती हुँदै बर्दिया सदरमुकाम गुलरिया जोड्ने छोटो दूरीका रूपमा यो सडक रहेको छ । नेपालगञ्ज उपमहानगरपालिकाको परसपुरबाट, जानकीको बेलभार, खजुराको गौघाट, बर्दियाको बढैयाताल गाउँपालिकाको वडा नं १ र २ हुँदै कण्ठीपुरबाट गुलरियालाई जोड्ने २२ किलोमिटर सडक निर्माण गर्न पहल भैरहेको जनाइएको छ ।रासस

Related News

व्यापारीको स्वार्थमा फेरि ब्युँताइँदै मोटरसाइकलमा दुई हेलमेट लगाउने असफल नियम
व्यापारीको स्वार्थमा फेरि ब्युँताइँदै मोटरसाइकलमा दुई हेलमेट लगाउने असफल नियम
  • २०७८ पुष १८, आईतवार १०:४८ गते

काटमाडौं, मोटरसाइकल पछाडि बस्नेले पनि अनिवार्य हेल्मेट लगाउनुपर्ने विषयमा भौतिक पूर्वाधार मन्त्रालयमा छलफल भएपछि पक्ष र विपक्षमा बहस शुरु भएको...

विमान दुर्घटनाले पोखरामा ५० प्रतिशत घटे यात्रु, अन्तर्राष्ट्रिय उडान पनि अनिश्चित
विमान दुर्घटनाले पोखरामा ५० प्रतिशत घटे यात्रु, अन्तर्राष्ट्रिय उडान पनि अनिश्चित
  • २०७८ पुष १८, आईतवार १०:४८ गते

पोखरा, पोखराबाट काठमाडौँ जाने काम परेपछि आइतबार मैले एउटा टिकट काटेको थिएँ । टिकट बिहान ९ बजेर ४० मिनेटको थियो...

भीमेश्वर नगरपालिकाले गाई वितरण अनुदान कार्यक्रम सञ्चालन गर्ने
भीमेश्वर नगरपालिकाले गाई वितरण अनुदान कार्यक्रम सञ्चालन गर्ने
  • २०७८ पुष १८, आईतवार १०:४८ गते

दोलखा, दोलखाको सदरमुकाम चरीकोट स्थितको भीमेश्वर नगरपालिकाले लागत साझेदारीमा गाई वितरण अनुदान कार्यक्रम सञ्चालन गर्न लागेको छ । नगरभित्रका एकल...

TOP