राजधानी निर्माणका लागि लुम्बिनीलाई संघीय सरकारको १ अर्ब

काठमाडौं । प्रदेश राजधानी निर्माणका लागि लुम्बिनी प्रदेश सरकारलाई संघीय सरकारले १ अर्ब दिएको छ ।

स्थायी राजधानीमा संरचना निर्माणका लागि बजेट अभावमा रोकिएका काम अगाडि बढाउन संघीय सरकारले १ अर्ब रकम व्यवस्थापन गरेको छ ।

 प्रधानमन्त्री शेरबहादुर देउवा र अर्थमन्त्री जनार्दन शर्मासँग भेट गरी मुख्यमन्त्री केसीले राजधानी निर्माणका लागि १ अर्ब बजेट व्यवस्थापन गरिदिन आग्रह गरेका थिए ।

लुम्बिनी प्रदेश सभाले २०७७ असोज २० गते प्रदेशको नाम लुम्बिनी र स्थायी राजधानी देउखुरी उपत्यका पारित गरेको थियो ।