कोरोना भाइरसको संक्रमण बढेपछि दाङको तुलसीपुर उपमहानगरपालिकाभित्रका सबै विद्यालय बन्द

काठमाडौं । कोरोना भाइरसको संक्रमण बढेपछि दाङको तुलसीपुर उपमहानगरपालिकाभित्रका सबै विद्यालय बन्द गरिएको छ । 

पछिल्लो दिन विभिन्न विद्यालयका शिक्षक र विद्यार्थीमा कोरोना पुष्टि भएपछि तुलसीपुर उपमहानगरपालिकाले २५ पुसदेखि लागू हुने गरी ३ माघसम्मका विद्यालय बन्द गर्ने निर्णय गरेको हो । 

तुलसीपुर क्षेत्रका सामुदायिक र संस्थागत गरी ५ वटा विद्यालयका शिक्षक र विद्यार्थीमा कोरोना संक्रमण पुष्टि भएपछि आइतबारदेख माघ ३ गतेसम्म ८३ वटा सामुदायिक र ६८ वटा संस्थागत विद्यालयको पठनपाठन बन्द गर्ने निर्णय भएको उपमहानगरपालिकाका शिक्षा समिति संयोजक कुमार लामिछानेले बताए ।