२०८० चैत्र १६
March 29, 2024, Friday

विनोद शाही मृत्यु प्रकरण: पक्राउ परेकी मेयर अम्बिकासहित तीन जनाविरूद्ध मुद्दा नचल्ने

विनोद शाही मृत्यु प्रकरण: पक्राउ परेकी मेयर अम्बिकासहित तीन जनाविरूद्ध मुद्दा नचल्ने

अछामका विनोद शाही मुत्यु प्रकरणमा पक्राउ परेकी मेयर अम्बिका चलाउनेसहित तीन जनामाथि मुद्दा नचल्ने भएको छ।

पञ्चदेवल विनायककी मेयर चलाउने, नेत्रबहादुर शाही र रामबहादुर शाहीमाथि पनि किटानी जाहेरी परेको थियो।

तर उनीहरूलाई मुद्दा चलाउन कुनै पनि प्रमाण नभएको भन्दै सरकारी वकिल कार्यालयले मुद्दा नचलाउने भएको छ।

प्रहरीले बुझाएको प्रतिवेदनमा घटना भएको समयमा मेयर चलाउने धनगढी, नेत्रबहादुर शाही काठमाडौं र रामबहादुर शाही मंगलसेनमा भएको उल्लेख छ। उनीहरू घटनामा संलग्न भएको कुनै प्रमाण नपाएको प्रतिवेदन पाएपछि सरकारी कार्यालयले मुद्दा नचल्ने निर्णय गरेको छ।

तीनै जनाविरुद्ध मुलुकी अपराधसंहिता २०७४ को दफा ३१ अनुसार प्रमाण नपुगेको सरकारी वकिल कौशल ढुंगानाले जानकारी दिइन्। मेयर चलाउने नेपाली कांग्रेसबाट उम्मेदवार भई निर्वाचित भएकी थिइन्।

पञ्चदेवल विनायक नगरपालिका- ४ का १७ वर्षीय विनोद शाही गत जेठ १७ गते सम्पर्कविहिन भएका थिए। चार दिनपछि घर नजिकै जंगलको भिरमा उनको शव फेला परेको थियो।

शाहीको हत्या गरिएको भन्दै परिवारले पञ्चदेवलकी मेयर चलाउने, वडा नम्बर ४ का निवर्तमान अध्यक्ष सदनबहादुर शाही, दानमती बम शाहीसहित १३ जनाविरुद्ध किटानी जाहेरी दिएका थिए।

प्रहरीले मेयर चलाउनेसहित ७ जना घटनामा संलग रहेको आरोपमा पक्राउ गरेर उनीहरूमाथि अनुसन्धान गरेको थियो।अदालतबाट म्याद थप गरेर बाँकी आरोपीमाथि अनुसन्धान भइरहेको छ। किटानी जाहेरी परेका ६ जना भने पक्राउ पर्न बाँकी छन्। उनीहरूको खोजी कार्य जारी रहेको जिल्ला प्रहरी कार्यालयका प्रहरी नायब उपरीक्षक नारायण डाँगीले बताएशाहीको मृत्युपछि उत्पन्न तनावले जिल्ला अदालत, सरकारी वकिलको कार्यालय लगायतमा असुरक्षा बढेको भन्दै निषेधित क्षेत्र घोषणा गरिएको छ।

‘कार्यालयमा तोडफोड तथा आगजनी गर्ने, कर्मचारीलाई पटकपटक धम्की दिने, दैनिक कार्यालयको कामकाजमा बाधा अवरोध गर्ने लगायत कुनै पनि क्रियाकलाप नगर्न मंगलसेन दरबार क्षेत्र, जिल्ला अदालत क्षेत्र, जिल्ला सरकारी वकिल कार्यालय क्षेत्र, बैरागी धारा बस काउन्टर क्षेत्र, मंलसेन नगरपालिका कार्यालय क्षेत्र तथा कृषि ज्ञान केन्द्र आसपासको जिप काउन्टर क्षेत्रभित्र कुनै पनि विरोधका कार्यक्रम नगर्न/नगराउन,’ प्रशासनले भनेको छ।

अछामका प्रमुख जिल्ला अधिकारी विश्वराज मरासेनीले शाहीको घटना विषयमा उत्पन्न परिस्थिति साम्य नभएसम्म निषेधित क्षेत्र नहटाइने बताए।वैशाख ३० मा स्थानीय चुनावका बेला यहाँ कांग्रेस र एमाले कार्यकर्ताबीच झडप भएको थियो।

उक्त विषय जेठ १७ मा पनि उठेको र त्यही बेलादेखि विनोद शाही बेपत्ता भएकोले उनको हत्या भएको दाबी उनका परिवारले गरिरहेका छन्।

Related News

मिटर ब्याजका पाँच मुद्दामा मिलापत्र
मिटर ब्याजका पाँच मुद्दामा मिलापत्र
  • २०७९ असार २२, बुधबार १०:१८ गते

चितवन । अनुचित लेनदेन (मिटर ब्याज)का मुद्दा जिल्ला प्रहरी कार्यालयबाट हेर्न थालेसँगै चार निवेदनमा मिलापत्र गराइएको छ । जिल्ला प्रशासन...

दुर्गा प्रसाईंले पाएको हतियार इजाजतबारे छानबिन गर्न समिति गठन
दुर्गा प्रसाईंले पाएको हतियार इजाजतबारे छानबिन गर्न समिति गठन
  • २०७९ असार २२, बुधबार १०:१८ गते

काठमाण्डाै – गृह मन्त्रालयले मेडिकल व्यवसायी दुर्गाप्रसाद प्रसाईंका नाममा रहेको अर्धस्वचालित हतियारको इजाजतपत्र र नवीकरणबारे छानबिन गर्न समिति गठन गरेको...

पेस्तोलसहित कपनबाट एकजना पक्राउ
पेस्तोलसहित कपनबाट एकजना पक्राउ
  • २०७९ असार २२, बुधबार १०:१८ गते

काठमाडौँ । जिल्ला प्रहरी परिसर काठमाडौँले चलाएको गुण्डागर्दी तथा अवैध हातहतियार नियन्त्रणसम्बन्धी अभियानका क्रममा नेपाल प्रहरीले कपन क्षेत्रबाट पेस्तोलसहित एकजनालाई...

TOP