२०८१ बैशाख ६
April 18, 2024, Thursday

बार एसोसिएसनमा एक सक्षम नेतृत्व आवश्यक छ : अधिवक्ता रामचन्द्र पौडेल ‘आरसी विमल’

बार एसोसिएसनमा एक सक्षम नेतृत्व आवश्यक छ : अधिवक्ता रामचन्द्र पौडेल ‘आरसी विमल’

काठमाडौँ । अधिवक्ता रामचन्द्र पौडेल ‘आरसी विमल’ ले बार एसोसिएसनमा एउटा नेता मात्रै नभएर एक सक्षम नेतृत्व आवश्यक रहेको बताएका छन् ।

आगामी असार ३२ गते शनिवार हुन गइरहेको काठमाडौँ जिल्ला अदालत बार एसोसिएसनको निर्वाचनका लागि काँग्रेस समर्थित कानुन व्यवसायीहरूको संस्था डेमोक्रेटिक लयर्स एसोसिएसन (डिएलए) बाट अध्यक्ष पदका उम्मेदवार अधिवक्ता रामचन्द्र पौडेल ‘आरसी विमल’ ले काठमाडौँमा आयोजित उम्मेदवारहरूको परिचयात्मक कार्यक्रममा बोल्दै नेता र नेतृत्वमा धेरै फरक रहेको बताएका छन् । उनले भने, “यो मुलुकले धेरै नेता पाइसकेका छन् तर एउटा बोल्ड नेतृत्व आवश्यक रहेको छ । त्यसैले बार एसोसिएसनमा पनि सबैको समस्या बुझ्ने एक कुशल अनि बोल्ड नेतृत्वको आवश्यक छ ।”

उनले काठमाडौँ जिल्ला अदालत बार एसोसिएसनमा आएका विभिन्न समस्यालाई व्यवस्थापन गर्नका लागि आफू एक कुशल नेतृत्व र योग्य उम्मेदवारहरू सहितको टिम आगामी निर्वाचनमा भाग लिएको बताएका छन् । 

उनले आफ्नो टिम सबै क्षेत्रको प्रतिनिधित्व हुने टिम रहेको बताउँदै आफ्नो अमूल्य मत दिएर काम गर्ने अवसर दिनुहुन कानुन व्यवसाइहरुलाई आग्रह गरे ।

उनी नेतृत्वको टिमले कानुन व्यवसायीको हित भन्दा बाहिर गएर कुनै पनि काम नगर्ने र प्रतिवध्यता सम्मेत व्यक्त गरे । 
उनले डिएलएको आन्तरिक निर्वाचनमा कसैको हार नभएर सबैको जित भएको बताउँदै आन्तरिक निर्वाचनमा उम्मेदवार बन्नुभएका सबै जना प्रति उच्च सम्मान व्यक्त गरे ।

आगामी असार ३२ गते काठमाडौँ जिल्ला अदालत बार एसोसिएसनको निर्वाचनका लागि उनको टिम डिएलए काठमाडौँ तर्फबाट उपाध्यक्षमा पदमा पुरुषोत्तम अधिकारी, सचिवमा उज्ज्वल राम श्रेष्ठ, सहसचिवमा अन्जु रेग्मी र कोषाध्यक्षमा सन्तोष भण्डारी उम्मेदवार छन् । 

Related News

एन्फाका उपाध्यक्ष लामा छुटे
एन्फाका उपाध्यक्ष लामा छुटे
  • २०७९ असार २७, सोमबार २२:१६ गते

अखिल नेपाल फुटबल संघ (एन्फा) का उपाध्यक्ष दावा लामा रिहा भएका छन् । बुधबार पक्राउ परेकाका लामालाई सर्वोच्च अदालतले यसअघि...

बस र सुमो ठोक्किँदा सात घाइते
बस र सुमो ठोक्किँदा सात घाइते
  • २०७९ असार २७, सोमबार २२:१६ गते

बनेपा, वैशाख ६ गते । बिपी राजमार्ग अन्तर्गत काभ्रेपलान्चोकको नमोबुद्ध नगरपालिका –२ बेलामा बिहीबार बिहान भएको सवारी दुर्घटनामा सात जना यात्रु...

६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
  • २०७९ असार २७, सोमबार २२:१६ गते

काठमाडौँ । ६० किलो सुनमा जोडिएका जीवन चलाउनेविरुद्ध अन्तर्राष्ट्रिय प्रहरी संगठन ‘इन्टरपोल’ बाट डिफ्युजन जारी गरिएको छ । नेपाल प्रहरीको अनुरोधमा...

TOP