काठमाडौं । ठेकेदार राज कुमार तामाङले मजदुरको पारिश्रमिक रकम नदिई फरार भएपछि गुनासो गर्दै पीडित हाम्रो मिडियामा आएका छन् ।
विदुर नगरपालिका वडा नं १० भिर्कुटारमा सामुदायिक भवन निर्माण गर्न भनी खटाएका मजदुरहरूलाई पुरा पैसा नदिई ठेकेदार तामाङ फरार भएका हुन् ।
नुवाकोट विदुर नगरपालिका वडा नं ८ का पेटी ठेकेदार शेर बहादुर तामाङलाई सो भवन निर्माणका लागि ३ लाख ८६ हजारमा सम्झौता भएको रहेछ । ठेकेदार राज कुमार तामाङले उनलाई १ लाख मात्र दिएर बाँकी काम सकिएर दिने भनेका रहेछन् ।
ढलान र गाह्रो हाल्ने काम लिएका शेर बहादुर तामाङले मङ्सिर देखि काम सुरु गरेर माघ १३ गते वडा कार्यालयलाई बुझाएको बताए । काम सकिएर आफ्नो बाँकी रकम २ लाख ८६ हजार माग गर्दा ठेकेदार राज कुमार तामाङले भाका सर्दा सार्दै अन्त्यमा उल्टै धम्की दिएको शेर बहादुर तामाङले सुनाए ।
सञ्चार चौतारी डट कमद्वारा सञ्चालित कार्यक्रम जन गुनासोमा पत्रकार कुशलभ केसीसँग कुरा गर्दै उनले भने, “राज कुमार तामाङले एडभान्समा १ लाख रुपैयाँ दिएका थिए । ३ महिनामा काम सकेर हामीले वडा कार्यालयलाई बुझायौँ अनि बाँकी पैसा माग्दा उहाँले सुरुमा भाका सर्नु भयो । धेरै समय बिते पछि फेरी फोन गर्दा त उहाँले मलाई उल्टै धम्काउनु भयो । के गर्न सक्छस् गर पैसा दिन्न भन्नु भयो ।”
उनले ठेकेदार तामाङले धम्काए पछि जिल्ला प्रहरी कार्यालयमा उजुरी गरेको कुरा बताए । तर प्रहरीले फोन गर्दा ठेकेदार तामाङको फोन लागेन । पेटी ठेकेदारको रूपमा काम गरेका शेर बहादुर तामाङलाई अहिले आफ्नै मजदुरहरूले पैसा खाएको आरोप लगाएको उनले गुनासो सुनाए र केही सिप नलागेपछि मिडियामा आएको बताए । पुरा भिडियो हेर्नुहोस्
सिद्धार्थनगर, वैशाख ७ गते । सहकारी ठगी प्रकरणमा जिल्ला अदालत रुपन्देहीले एक जनालाई पुर्पक्षका लागि थुनामा पठाएको छ भने ६ जनालाई...
घोराही, वैशाख ५ गते। दाङको सतबरियामा रहेको सम्राट सिमेन्ट उद्योगले विद्युत महसुल नबुझाएपछि बिजुली काटिएको छ। सम्राट सिमेन्ट उद्योगले करिब ६...
बुटवल– सुप्रिम बचत तथा सहकारी संस्थाका पीडितहरू आन्दोलनमा उत्रेका छन् । संस्थाका पूर्व अध्यक्ष गितेन्द्रबाबु राईसहितका व्यक्तिलाई पक्राउको माग गर्दै...