संविधान दिवसको अबसरमा एमालेको पदयात्रा

काठमाडौं– नेकपा एमालेले शनिबार बिहान काठमाडौंमा बृहत् पदयात्रा गरेको छ। संविधान दिवसलाई राष्ट्रिय दिवसका रूपमा मनाउन पदयात्रा गरिएको एमालेले जनाएको छ।

बिहान ७ बजे बानेश्वर, मैतिदेवी, लैनचौर, कालिमाटी र ललितपुरको कुपण्डोलबाट सुरू भएको पदयात्रा वसन्तपुरमा गएर टुंगिएको छ। अध्यक्ष केपी शर्मा ओली आफैंले पदयात्राको नेतृत्व गरे।

वाकथनमा एमालेका अन्य शीर्ष नेता, जनवर्गीय संगठनका पदाधिकारीलगायत सहभागी भएका थिए। एमालेको पदयात्राका कारण उक्त क्षेत्रमा यातायात समेत अवरुद्ध भएको थियो।