साफ महिला च्याम्पियनसिपमा भारतविरुद्ध ऐतिहासिक जीत , उपाधिका लागि बंगलादेशसित भिड्ने

काठमाडौ, साफ महिला च्याम्पियनसिपमा नेपाल फाइनल प्रवेश गरेको छ। भारतविरुद्ध ऐतिहासिक जीत दर्ता गर्दै नेपाल फाइनल प्रवेश गरेको हो।

दशरथ रंगशालामा भएको खेलमा नेपालले भारतलाई ० का विरुद्ध १ गोलले पराजित गर्यो। खेलमा रश्मीकुमारी घिसिङले पहिलो गोल गरेकी थिइन्।

यो नै नेपालको निर्णायक गोल सावित भयो। यो सँगै नेपालले भारतसँग सन् २०१६ मा भएको हारको बदला लिएको छ। त्यतिबेला नेपाल फाइनलमा भारतसँग नै हारेको थियो।

साफको पाँचौ संस्करणमध्ये ४ वटा संस्करणमा नेपाल फाइनलमा पुगेको थियो। नेपाल चारै संस्करणको उपविजेता हो।

सन् २०१६ मा भएको सेमिफाइनल खेलमा नेपाल भारतसँग पराजित हुँदै उपाधि होडबाट टाढा भएको थियो। तत्कालीन समयमा नेपाली टोलीको मुख्य प्रशिक्षकमा कुमार थापा नै थिए।