बसको ठक्करबाट विद्यार्थीको मृत्यु भएपछि गजुरी तनावग्रस्त

धादिङ, धादिङको गजुरीमा बसको ठक्करबाट एक जना विद्यार्थीको मृत्यु भएपछि विद्यार्थीहरूले प्रदर्शन गरेका छन्।

काठमाडौंबाट गोरखा जाँदै गरेको ग १ ख ४५६५ नम्बरको बसले स्थानीय आदर्श माविका विद्यार्थीलाई ठक्कर दिएपछि विद्यार्थीले बस जलाएका छन्।

मृत्यु हुने विद्यार्थी कक्षा १ मा पढ्ने ६ वर्षीय विजय परियार रहेको प्रहरीले जनाएको छ।

जेब्राक्रसबाट बाटो काट्दै गर्दा बसले विद्यार्थीलाई ठक्कर दिएको हो। अहिले गजुरी बजार तनावग्रस्त रहेको छ। दुवैतर्फबाट आएका सवारी साधन रोकिएका छन्।