२०८० चैत्र १५
March 28, 2024, Thursday

रु. ४० अर्बको ट्रेजरी बिल सोझै खरिद गर्दै राष्ट्र बैंक

रु. ४० अर्बको ट्रेजरी बिल सोझै खरिद गर्दै राष्ट्र बैंक

काठमाण्डौ । नेपाल राष्ट्र बैंकले बिहीबार (असोज ६ गते) ४० अर्ब रुपैयाँको नेपाल सरकारको ट्रेजरी बिल सोझै खरिद गर्नको लागि बोलकबोल गर्ने भएको छ।

राष्ट्र बैंकले वित्तीय प्रणालीमा भएको तरलता अभावलाई सहज बनाउन नेपाल सरकारको ट्रेजरी बिल्स सोझै खरिद गरेर उक्त रुपैयाँ वित्तीय बजारमा प्रवाह गर्न लागेको हो।

बोलकबोल भोलि बिहीबार दिउँसो ३ बजेसम्म अनलाइन माध्यमबाट गरिनेछ। ट्रेजरी बिलको खरिद मिति भने असोज ७ गते तय गरिएको छ।

राष्ट्र बैंकको मौद्रिक व्यवस्थापन विभागका अनुसार नेपाल सरकारका ट्रेजरी बिलको भुक्तानी मिति २०७९ पुस मसान्तसम्म तोकिएको छ।

काउन्टरपार्टीले बिक्री गर्न चाहेको तोकिएको भुक्तानी मिति भएका नेपाल सरकारका ट्रेजरी बिलको सिरिज नम्बर र परिणाम उल्लेख गर्नुपर्नेछ।

काउन्टरपार्टीले बिक्री गर्न चाहेको ट्रेजरी बिल्सको परिमाणको मूल्यमा बोलकबोल गर्नुपर्नेछ। (उदाहरणका लागि रु. १०० को ट्रेजरी बिल कति मूल्यमा बिक्री गर्ने हो सो रकम बोल गर्नुपर्नेछ)।

यसैगरी काउन्टरपार्टीले बिक्री गर्न चाहेको नेपाल सरकारको ट्रेजरी बिल्सको परिमाण रु. १ करोड वा रु. १ करोडले भाग लाग्ने दरले खरिद आह्वान गरेको रकमसम्म बोलकबोल गर्न सक्नेछन् तर एउटा सिरिजको ट्रेजरी बिलका लागि एउटामात्र बोलकबोल गर्नुपर्नेछ।

काउन्टरपार्टीले बिक्री गर्न चाहेको नेपाल सरकारको ट्रेजरी बिल सबैभन्दा कम बोलमूल्य क्रमका आधारमा बहुमूल्यमा राष्ट्र बैंकले खरिद गर्न सक्नेछ।

Related News

चार दशमलव ७८ अंकले उक्लियो सेयर बजार
चार दशमलव ७८ अंकले उक्लियो सेयर बजार
  • २०७९ आश्विन ६, बिहीबार ०८:०१ गते

काठमाडौं । सेयर बजार परिसुचक उकालो लागेको छ । अघिल्लो दिन १० दशमलव ७३ अंंकले ओरालो लागेको बजार परिसुचक नेप्से...

भारतबाट ५ सय ५४ मेगावाट बिजुली आयातका लागि सम्झौता
भारतबाट ५ सय ५४ मेगावाट बिजुली आयातका लागि सम्झौता
  • २०७९ आश्विन ६, बिहीबार ०८:०१ गते

काठमाण्डाै – नेपालले भारतबाट पाँच सय ५४ मेगावाट बिजुली आयातका लागि सम्झौता गरेको छ । नेपाल र भारतबीचको बिजुली आयात सम्झौता...

सुनको मूल्य दुई हजार छ सयले बढ्यो
सुनको मूल्य दुई हजार छ सयले बढ्यो
  • २०७९ आश्विन ६, बिहीबार ०८:०१ गते

काठमाडौँ,  चैत ८ गते ।  स्थानीय बजारमा छापावाल सुनको मूल्य प्रति तोला रु. दुई हजार ६ सयका दरले वृद्धि भएको...

TOP