रुकुमपूर्वमा भएको बस दुर्घटना परि पाँचको मृत्यु, १२ जना घाइते

रुकुमपूर्व, काठमाडौंबाट रुकुमपूर्व आइरहेको बस दुर्घटना हुँदा पाँचजनाको मृत्यु भएको छ । ग १ ख ९१०९ नम्बरको बस रुकुम पूर्वको भूमे गाउँपालिका–२ को खावाङ बगर नजिकै क्याङसी बगरमा दुर्घटना हुँदा पाँचजनाको मृत्यु भएको हो ।

दुर्घटनामा १२ जना घाइते भएका प्रहरीले जनाएको छ । घाइतेमध्ये पाँचजनाको अवस्था गम्भीर रहेको रुकुमपूर्वका सहायक प्रमुख जिल्ला अधिकारी हिरालाल आचार्यले जानकारी दिए ।

बस सडकबाट करिब ५० मिटर तल खसेको प्रहरीले जनाएको छ । दुर्घटनाको कारण खुल्न बाँकी छ ।