२०८१ बैशाख ६
April 18, 2024, Thursday

साताको पहिलो दिन नेप्सेमा २३.८३ अंकको गिरावट, कारोबार रकम १ अर्ब माथि

साताको पहिलो दिन नेप्सेमा २३.८३ अंकको गिरावट, कारोबार रकम १ अर्ब माथि

काठमाडौं । सेयर बजार परिसूचक नेप्से २२ महिना यताकै न्यून बिन्दूमा झरेको छ । साताको पहिलो कारोबार दिन आइतबार बजार परिसूचक नेप्से २३.८३ अंकले घटेर १८१५.१३३ अंकमा बन्द भएको छ ।

९ मंसिर २०७७ मा १८१०.१५ अंकमा रहेको नेप्से १० मंसिर २०७७ मा १८७५.१० अंकमा बन्द भएको थियो । त्यसपछि लगातार बढेर २ भदौ २०७८ मा ३१९९.०३ अंकसम्म पुगेर ३ भदौदेखि नेप्सेमा गिरावट सुरु भएको थियो ।

आइतबार नेप्सेको बन्द भएको बिन्दू (क्लोजिङ इन्डेक्स) २२ महिना यताकै न्यून भएपनि ‘इन्ट्रा–डे’ मा भने १० असार २०७९ मा १८०६.९५ अंकसम्म झरेको थियो ।

९ असार २०७९ मा १८४८.२८ अंकसम्म झरेर पुन उकालो लागेको नेप्से ३ महिनापछि त्यसभन्दा तल झर्दै २२ महिना यताकै नयूनतम बिन्दूमा पुगेको छ ।

नेप्सेसँगै सबै उपसूचकमा गिरावट भएको छ । जसमध्ये लगानी उपसूचक सर्वाधिक २.८२ प्रतिशतले गिरावट हुँदा वित्त कम्पनी उपसूचक सबैभन्दा धेरै २.५७ प्रतिशत र हाइड्रोपावर उपसूचक २.५४ प्रतिशतले गिरावट भएको छ ।

नेप्सेमा गिरावट भएपनि आइतबार कारोबार रकम भने बढेर १ अर्ब नाघेको छ । गत बिहिबार ६५ करोडमा सीमित कारोबार रकम आइतबार बढेको हो ।

आइतबार नेप्सेमा १ अर्ब ७ करोड २४ लाख ८० हजारको कारोबार भएको छ । बैंकको कुल १३ लाख ८९ हजार ८६९ कित्ता सेयर किनबेच हुँदा १३ लाख ७५ हजार ५८५ कित्ता सेयर ब्रोकर नंम्बर ४९ ९अनलाइन सेक्युरिटिज० मार्फत खरिद भएको छ ।

जसमध्ये पनि १३ लाख ७५ हजार कित्तासोही ब्रोकरबाट बिक्री भएको छ । १३ वटा कारोबार १ लाख कित्ताको दरले र एउटा कारोबार ७५ हजार कित्ताको हुँदा अन्य भने सानो कारोबार छ ।

यस्तै आइतबार नबिल बैंकको ४ करोड २९ लाख ७८ हजारको कारोबार भएको छ । आइतबार नेप्सेमा १८८ कम्पनीको सेयर कारोबार भएकोमा १७४ कम्पनीको सेयर मूल्य घटेको छ । त्यस्तै १२ कम्पनीको सेयर मूल्य गिरावट हुँदा १२ कम्पनीको मात्रै बढेको छ ।

नेप्सेमा सूचिकृत भएर आइतबारबाट कारोबार सुरु भएको अभियान लघुवित्तको सेयरमूल्य १० प्रतिशतले बढेर सकारात्मक सर्किट मूल्यमा बन्द भएको छ ।

त्यस्तै नबिल इक्विटी फण्डको इकाइमूल्य २.९४ प्रतिशत र लक्ष्मी बैंकको सेयर मूल्य २.६६ प्रतिशतले बढेको छ ।

यता तेह्रथुम पावरको सेयर मूल्य ७.९० प्रतिशतले गिरावट हुँदा कुमारी धनवृद्धि योजनाको इकाइ मूल्य ७ प्रतिशतले गिरावट भएको छ ।

Related News

१२ वर्षमा २८ हजार ७५० मेगावाट विद्युत उत्पादन हुन्छ
१२ वर्षमा २८ हजार ७५० मेगावाट विद्युत उत्पादन हुन्छ
  • २०७९ आश्विन ९, आईतवार १६:०७ गते

काठमाडौं– ऊर्जा, जलस्रोत तथा सिंचाइमन्त्री शक्ति बस्नेतले १२ वर्षमा २८ हजार ७५० उत्पादन दाबी गरेका छन् । जलविद्युत आयोजना निर्माण...

नेप्से परिसूचक ओरालो लाग्यो
नेप्से परिसूचक ओरालो लाग्यो
  • २०७९ आश्विन ९, आईतवार १६:०७ गते

काठमाडौँ, वैशाख ४ गते । धितोपत्र बजारमा शेयर कारोबार मापक नेप्से परिसूचक आज पनि ओरालो लागेको छ । नेपाल स्टक एक्सचेञ्जका...

नेप्से परिसूचक १६.८२ अंकले गिरावट
नेप्से परिसूचक १६.८२ अंकले गिरावट
  • २०७९ आश्विन ९, आईतवार १६:०७ गते

काठमाडौं- नेपाल स्टक एक्सचेञ्ज (नेप्से) परिसूचक सोमबार १६ दशमलव ८२ अंकले घटेर दुई हजार छ दशमलव ५२ को बिन्दुमा कायम...

TOP