२०८१ श्रावण ९
July 24, 2024, Wednesday

युक्रेनको १५ प्रतिशत क्षेत्रका जनताले रुसमा गाभिन मत दिए, गाभिएको क्षेत्रको सुरक्षा गर्ने पुटिनको वाचा

युक्रेनको १५ प्रतिशत क्षेत्रका जनताले रुसमा गाभिन मत दिए, गाभिएको क्षेत्रको सुरक्षा गर्ने पुटिनको वाचा

एजेन्सी, रुसले युक्रेनका चार वटा क्षेत्रका नागरिकले रुसमा गाभिनको लागि मत दिएको दाबी गरेको छ ।

चार वटा क्षेत्रमा भएको जनमत संग्रहको अनौपचारिक नतिजा सार्वजनिक गर्दै रुसले अब ती क्षेत्र आफ्नो भएको जनाएको छ ।

रुसको सरकारी सञ्चारमाध्यमले युक्रेनको अधिनस्थ भागहरूमा भएको जनमत संग्रहको प्रारम्भिक नतिजा पनि सार्वजनिक गरेको छ।

भारी बहुमतले रूसमा सामेल हुने पक्षमा मतदान गरेको रुसको दाबी छ ।

खेरसन क्षेत्रका ९७ प्रतिशत, जापोरिजाहियाका ९८ प्रतिशत, लुहान्सकका ९८ प्रतिशत र डोन्स्त्कका ९८ प्रतिशत नागरिकले रुसमा गाभिने मत दिएका खबरमा उल्लेख छ ।

युक्रेन र पश्चिमी राष्ट्रहरूले परिणामहरू पहिले नै तय भइसकेको दाबी गर्दै जनमत संग्रहलाई नाटकको संज्ञा दिएका छन्।

यसैबीच, रुसी राष्ट्रपति भ्लादिमिर पुटिनले रूसले युक्रेनका चार वटा क्षेत्र अब रुसको भएको र ती क्षेत्रका मानिसहरूलाई बचाउन जस्तोसुकै कदम चाल्ने बताएका छन् ।

“जनमतसंग्रह भइरहेको क्षेत्रहरूमा मानिसहरूलाई बचाउनु हाम्रो सम्पूर्ण समाज र सम्पूर्ण देशको ध्यान केन्द्रित छ,” पुटिनले अधिकारीहरूसँगको टेलिभिजन बैठकमा भने।

पुटिनले केही दिनभित्रै युक्रेनको कब्जामा रहेका क्षेत्रहरूलाई रुससँग गाभ्ने औपचारिक घोषणा गर्ने सम्भावना छ । रुसले जनमत संग्रह गरेको क्षेत्रले युक्रेनको १५ प्रतिशत भु भाग ओगट्छ ।

रूसले आफ्नो देशमा गाभिएको भूमिलाई पूर्ण सुरक्षा दिने वाचा गरेको छ । यसको रक्षाको लागि आणविक हतियारको पनि प्रयोग हुन सक्ने उस्को धम्की छ ।

तर अमेरिकी राष्ट्रपति जो बाइडेनको प्रशासनले यसअघि नै यदि कुनै भूभाग रुसमा विलय गराएमा थप आर्थिक प्रतिबन्ध लगाउन तयार रहेको चेतावनी दिएको छ ।

युक्रेनका अधिकारीले रुसले कब्जा गरेको जग्गा फिर्ता लिनको लागि काउन्टर अपरेसन जारी रहने बताएका छन् ।

Related News

विवाहको वहानामा चीनमा मानव बेचबिखन गर्ने महिला पक्राउ
विवाहको वहानामा चीनमा मानव बेचबिखन गर्ने महिला पक्राउ
  • २०७९ आश्विन १२, बुधबार ०८:०१ गते

काठमाडौं । विवाहको वहानामा चीन पुर्याइ मानव वेचविखन गर्ने गरेको अभियोगमा नुवाकोटको किस्पाङ्ग गाउँपालिका १ ठेगाना भई चीनमै बस्दै आएकी...

सियोलमा एआई शिखर सम्मेलन ः बेलायत सहित बिकासशील देश सहभागी
सियोलमा एआई शिखर सम्मेलन ः बेलायत सहित बिकासशील देश सहभागी
  • २०७९ आश्विन १२, बुधबार ०८:०१ गते

काठमाडौं । आर्टिफिसियल इन्टेलिजेन्स (एआई) मानवताको हितमा प्रयोग हुनुपर्ने लक्ष्य सहित दक्षिण कोरियाको राजधानी सियोलमा शिखर सम्मेलन सुरु भएको ।...

इरानमा मोख्बर कार्यवाहक राष्ट्रपति नियुक्त
इरानमा मोख्बर कार्यवाहक राष्ट्रपति नियुक्त
  • २०७९ आश्विन १२, बुधबार ०८:०१ गते

काठमाडौं । इरानका प्रथम उपराष्ट्रपति मोहम्मद मोख्बर सोमबार इस्लामिक गणतन्त्रको कार्यवाहक राष्ट्रपति नियुक्त भएका छन् । राष्ट्रपति इब्राहिम रायसीको हेलिकप्टर...

TOP