पहिलो टी–२० क्रिकेटमा भारतले दक्षिण अफ्रिकालाई ८ विकेटले हरायो

एजेन्सी, पहिलो टी–२० क्रिकेटमा भारतले दक्षिण अफ्रिकालाई ८ विकेटले हराएको छ । गएराति थिरुवन्थापुरममा दक्षिण अफ्रिकाले दिएको एक सय ७ रनको सामान्य लक्ष्य भारतले १६ ओभर ४ बलमा २ विकेट गुमाएर भेट्टायो ।

भारतका केएल राहुलले नटआउट ५१ रन र सूर्यकुमार यादवले ५० रन बनाए । कप्तान रोहित शर्मा शून्य र विराट कोहली ३ रनमा आउट भए ।

त्यसअघि पहिले ब्याटिङ गरेको दक्षिण अफ्रिकाले २० ओभरमा ८ विकेट गुमाएर १ सय ६ रन बनाएको थियो । दक्षिण अफ्रिकाका केशव महाराज सर्वाधिकले ४१ रन बनाए ।

दक्षिण अफ्रिकाले ९ रन बनाउँदा नै पाँच विकेट गुमाइसकेको थियो । भारतका अर्शदीप सिंहले ३ तथा दीपक चाहर र हर्सल पटेलले २र२ विकेट लिए ।

तीन खेलको टी-२० र एकदिवसीय शृङ्खला खेल्न दक्षिण अफ्रिका भारत भ्रमणमा रहेको छ ।