धनगढी र वीरेन्द्रनगरमा गठबन्धनको आज संयुक्त भेला

धनगढी, आज सुदूरपश्चिम प्रदेशको राजधानी धनगढी र कर्णाली प्रदेशको राजधानी वीरेन्द्रनगरमा लोकतान्त्रिक बाम-गठबन्धनको संयुक्त भेलाको आयोजना गरिएको छ।

बिहान धनगढीमा तथा दिउँसो वीरेन्द्रनगरमा आयोजना हुने भेलामा सत्तारुढ गठबन्धनका शीर्ष नेताहरूको उपस्थिती रहने जनाइएको छ।

धनगढीको भेला सकेर प्रधानमन्त्री एवं नेपाली कांग्रेसका सभापति शेरबहादुर देउवा, पुर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल , पूर्वप्रधानमन्त्री एवं नेकपा एकीकृत समाजवादी केन्द्र का अध्यक्ष माधवकुमार नेपालसहित अन्य शीर्षस्थ नेताहरू सुर्खेत जाने जनाइएको छ।

भेलामा सम्बन्धित प्रत्येक जिल्लाहरूबाट उम्मेदवार तथा प्रत्येक दलबाट निश्चित नेताहरूको सहभागिता रहने जनाइएको छ।