उत्तर कोरियाले एकै दिन गर्‍यो २३ क्षेप्यास्त्र परीक्षण

एजेन्सी, उत्तर कोरियाले एकै दिनमा कम्तीमा २३ वटा क्षेप्यास्त्र प्रहार गरेको छ । तीमध्ये एउटा क्षेप्यास्त्र दक्षिण कोरियाको सोक्चो सहरनजिकै खसेको थियो ।

यसको प्रत्युत्तरमा दक्षिण कोरिया सोलले विवादास्पद समुद्री सीमांकन रेखामा लडाकु विमानमार्फत वायुबाट जमिनमा मार हान्ने तीनवटा क्षेप्यास्त्र प्रहार गरेको थियो ।

पछि प्योङयाङले ६ वटा क्षेप्यास्त्र र तोपबाट १ सय वटा गोलाबारुद प्रहार गरेको थियो ।

उत्तर कोरियाले अमेरिका र दक्षिण कोरियाले सुरु गरेको ठूलो परिमाणको संयुक्त सैनिक अभ्यासप्रति प्रतिक्रिया जनाउन क्षेप्यास्त्र प्रहार गरेको जनाएको छ ।

प्योङयाङले यस सैनिक अभ्यासलाई आक्रमक र उक्साउने खालको भएको बताएको छ ।