मनहरी गाउँपालिका–४ मसिनेमा चुनावी सभामा जाने क्रममा जाँदा विरोध खतिवडामाथि कुटपिट

मकवानपुर, नेकपा एकीकृत समाजवादीका नेता विरोध खतिवडामाथि हातपात भएको छ । उनी मकवानपुर क्षेत्र नम्बर २ का प्रतिनिधिसभा सदस्यका उम्मेदवार हुन् ।

उनलाई मत माग्न जाँदा एक स्थानीयले हातपात गरेका हुन् । गठबन्धनका तर्फबाट उम्मेदवार भएका खतिवडालाई मनहरि गाउँपालिका ४ मा मत माग्न जाँदा हातपात भएको हो ।

उनलाई पुरुषोत्तम खड्काले झापड हानेको स्थानीयले बताएका छन् । खड्कालाई प्रहरीले नियन्त्रणमा लिएको छ ।

प्रारम्भिक अनुसन्धानमा खड्काले मादक पदार्थ सेवन गरेको पाइएको र पुरानो रिसइबी समेत रहेको बताइएको छ ।