निर्वाचन आयोगले उम्मेदवारको पक्ष विपक्षमा उभिने प्रहरीमाथि तत्काल कारबाही गर्ने

काठमाडौं, निर्वाचन आयोगले उम्मेदवारहरुको पक्षरविपक्षमा उभिने स्थानीय प्रशासनमाथि तत्काल कारबाही गर्ने चेतावनी दिएको छ ।

आयुक्त रामप्रसाद भण्डारीले स्थानीय प्रशासनले निर्वाचनमा कुनैपनि उम्मेदवारको पक्ष वा विपक्षमा उभिएको पाइए कडा कारबाही हुने बताएका छन् ।

उनले स्थानीय प्रशासनका कर्मचारीहरुले चुनाव लक्षित राजनीतिक दलका कुनैपनि उम्मेदवारहरुसँग पक्षरविपक्षमा लागेर काम गरेको पाएमा सरकारी सेवा नै धरापमा पर्नसक्ने बताए ।

भण्डारीले कनैपनि स्थानीय प्रशासनहरु उम्मेदवारहरुको पक्षरविपक्षमा उभिएको पाइए आयोगलाई जानकारी गराउन पनि सञ्चारमाध्यामहरुलाई आग्रह गरे । भण्डारीले निर्वाचनलाई असर पार्ने खालका कुनैपनि क्रियाकलाप गर्न नपाईने पनि बताए ।

स्थानीय तहमा कार्यरत कर्मचारीहरु कामको सिलसिलामा राजनैतिक दलका नेता कार्यकर्ता उम्मेद्वारसँग नजिक भएर काम गर्ने भएकोले निर्वाचनको समयमा पक्षरविपक्षमा उभिने सम्भावना भएको भन्दै सबै सजग हुनुपर्ने उनको भनाई छ ।

आयुक्त भण्डारीले निर्वाचन आयोग र मातहतकाकार्यालयले स्थानीय तहमा कार्यरत कर्मचारीहरुको गतिविधिमा सुक्ष्म ढंगले निगरानी राखेको पनि दाबी गरे ।

निर्वाचन आयुक्त भण्डारीले भने, “दलहरुको पक्ष र विपक्षमा स्थानीय प्रशासन लाग्दैन भन्नेमा हामी ढुक्क छौं । कुनै ठाउँको स्थानीय प्रशासन कुनै उम्मेदवारको पक्षमा लागेर अरुको विपक्षमा लागेको देखियो भने तत्क्षण नै कारबाही हुन्छ ।

यति ठूलो जोखिम उठाउनु पर्छ कि उहाँहरुको त्यो सेवाअवधि, सरकारी सेवा, निजामती सेवा नै धरापमा पर्नसक्छ ।”

आयोगले निर्वाचन आचारसंहिता उल्लंघन हुन नदिने पनि बताएको छ । अबको ३ दिन राजनीतिक दल वा त्यसका उम्मेदवारहरुले आचारसंहीता उल्लंघनको घटना बढाउने सक्ने आँकलन गरी आयोगले सोही अनुसारको सुरक्षाकर्मी परिचालनको व्यवस्था गरेको भण्डारीले बताए ।

उनले भने, “आचारसंहीता कुनैपनि ठाउँमा उल्लंघनहुन लागेको छ भने त्यसलाई तत्काल कारबाही गर्नुपर्छ भनेर हामी सबै पनि सचेतभएर लागेका छौं ।

यसको अतिरिक्त स्थानीय प्रशासन र सुरक्षाकर्मीलाई पनि अब जटिल समय आउनसक्छ त्यसो भएर तपाईहरु सचेत भएर कारबाही गर्नुस् भनेर हामीले भनिसकेका छौं ।

त्यसो हुनाले आयोगलाई लाग्छ कि, अब यस्ता किसिमका घटनाहरुहुँदैनन् । सबै अनुशासित भएर, आचारसंहीताको परिधिभित्र रहेर आचारसंहिताको ख्याल गर्नुहुन्छ ।”