२०८१ बैशाख ८
April 20, 2024, Saturday
काठमाडौं, जेडी तमु र छिरिङ शेर्पाको जोडीले सगरमाथा क्षेत्रको कालापत्थरमा ‘सर्वाधिक उचाइमा कोरियोग्राफी गरिएको युगल नृत्य’मा विश्व कीर्तिमानका लागि प्रयत्न गरेको छ ।
जेडी र छिरिङ नृत्यमा आधारित टेलिभिजन रियालिटी शो ‘डान्सिङ स्टार्स नेपाल’बाट चर्चामा आएका हुन् । छिरिङ विजेता हुन् भने जेडी कोरियोग्राफरतर्फका सेकेण्ड रनरअप हुन् ।
पाँच हजार ३०० मिटर उचाइको कालापत्थरमा तीन मिनेट तीन सेकेण्ड लामो गीतको छायांकन गरिएको तमुले जानकारी दिए । मारुनी, साकेला, झ्याउरे, तामाङसेलो र स्याब्रु मिश्रण गरिएको गीतको भिडियोमा जेडी र छिरिङले अभिनय गरेका छन् ।
सर्वाधिक उचाइमा छायांकन गरिएको युगल नृत्यमा अहिलेसम्म कसैले कीर्तिमान नराखेकाले आफूहरुले प्रयास गरेको तमुले बताए । उक्त नृत्यको निर्देशन सरस्वती धिमालले गरेकी छन् ।
भिडियोमा प्रेम पौडेलको छायांकन र अभय पोखरेलको स्टिल फोटोग्राफी छ । छायांकनमा गिनिजको तर्फबाट नेपाल प्रतिनिधि चित्रबहादुर कार्की उपस्थित थिए ।
छायांकनको प्रमाण गिनिजको लण्डन मुख्यालयमा पठाइएपछि अनुमोदन हुनुपर्नेछ । त्यसपछि प्रमाणपत्र प्राप्त भएपछि कीर्तिमानले आधिकारिकता पाउनेछ ।
इलामको अन्तुलाई पर्यटकीय गन्तव्यका रूपमा स्थापित गर्ने उद्देश्यले सूर्योदय नगरपालिका–४ स्थित अन्तुमा आजदेखि ‘अन्तु पर्यटन महोत्सव’ आयोजना हुँदैछ । सूर्योदय...
लेखनाथ, चैत २९ गते। पोखरामा बिहीबार बिहान भएको यात्रुबाहक बस दुर्घटनामा नौ जना घाइते भएका छन्। काठमाडौंबाट म्याग्दी जाँदै गरेको ग...
कावासोती, चैत २९ गते । नयाँ वर्षको अवसरमा स्थानीय होमस्टे पर्यटकहरूले भरिभराउ भएको छ । विगत वर्षझैँ यो वर्ष पनि नवलपुरका...
