बैतडी जीप दुर्घटनामा मृत्यु हुने प्रहरीको संख्या ६ पुग्यो

बैतडी, बैतडीको पाटनमा प्रहरी कर्मचारी सवार जीप दुर्घटना हुँदा ६ जनाको मृत्यु भएको छ। मतपेटिका पुर्‍याएर फर्किने क्रममा जीप दुर्घटनामा परेको हो।

आज बिहान पाटन नगरपालिकाको थुम भन्ने ठाउँमा से १ ज ८५४ नम्बरको जीप दुर्घटनामा परेको जिल्ला प्रहरी कार्यालय बैतडीले जनाएको छ।

दुर्घटनामा परेकाहरुको उद्धार भइरहेको जिल्ला प्रहरी कार्यालयले जनाएको छ। जीप सडकबाट करिब २०० मिटर तल खसेको बताइएको छ।