धनुषा–४ मा फेरि कांग्रेसका यादवको अग्रता, पछ्याउँदै एमालेका महासेठ

धनुषा, धनुषा–४ मा नेपाली कांग्रेसका उम्मेदवार महेन्द्र यादवले अग्रता लिएका छन् । आइतबार साँझबाट पछि परेका उनले पछिल्लो अपडेटअनुसार भने अग्रता लिएका हुन् ।

यादव अहिले नेकपा एमालेका उम्मेदवार रघुवीर महासेठभन्दा साढे ५ सय मतले अगाडि छन् । अहिलेसम्म यादवले २६ हजार ५१० र महासेठले २५ हजार ९६३ मत प्राप्त गरेका छन् । यी दुईबीचको मतान्तर ५४७ रहेको छ ।

धनुषा–४ मा अझै ७ वटा वडाको झन्डै १२ हजार मत गणना गर्न बाँकी छ ।