निर्वाचनपछि सत्ता गठबन्धनको पहिलो बैठक सुरु, निर्वाचनको समीक्षा र आगामी सरकारका बारे छलफल हुने

काठमाडौं, प्रतिनिधि र प्रदेशसभा निर्वाचनपछि सत्ता गठबन्धनको पहिलो बैठक सुरु भएको छ । प्रधानमन्त्रीको सरकारी निवास बालुवाटारमा गठबन्धनको बैठक बसिरहेको छ ।

बैठकमा प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधव कुमार नेपाल सहभागी छन् ।

यस्तैै, नेता बरिष्ठ कांँग्रेस नेताहरु रामचन्द्र पौडेल, उपसभापति पूर्णबहादुर खड्का, डा. प्रकाशशरण महत र माओवादीका बरिष्ठ उपाध्यक्ष नारायणकाजी श्रेष्ठ, राष्ट्रिय जनमोर्चाबाट दुर्गा पौडेललगायत नेताहरु सहभागी छन् ।

बैठकमा निर्वाचनको समीक्षा र आगामी सरकार गठनको बिषयमा छलफल हुनेछ। बैठकमा लोसपाले सहभागीता जनाएको छैन् ।