अध्यादेश कानूनी शासन, संसदीय प्रणाली, राजनीतिक र लोकतान्त्रिक मर्मको उपहास : डा. कोइराला

काठमाडौ, नेपाली कांग्रेसका नेता डा. शेखर कोइरालाले पनि सरकारले ल्याउन लागेको अध्यादेशको विरोध गरेका छन् ।

सरकारले टीकापुर हत्याकाण्डका दोषी रेशम चौधरीलाई रिहा गर्न सहज हुने गरि अध्यादेश ल्याउन लागेकोमा कोइरालाले विरोध गरेका हुन् ।

उनले अध्यादेशमार्फत् कानुन संशोधन गरेर अदालतले दोषी ठहर्याएकालाई माफी दिने प्रयास गरिनु कानुनी शासन, संसदीय प्रणाली, राजनीतिक र लोकतान्त्रिक मर्मको उपहास गर्नु भएको बताएका छन् ।

आफू अनुकूलको राजनीतिक सहजताका लागि कानुनलाई बंग्गयाउने काम कसैलाई छुट नहुने पनि उनले बताएका छन् ।

सँगसँगै यसले भोलिका लागि गलत नजिर बस्ने शेखर कोइरालाले ट्विट गरेका छन् ।