देशभर जाडो बढ्यो, पहाड र हिमाली जिल्लामा हल्का हिमपात, तराईमा हुस्स

काठमाडौँ, आज पनि पहाडी क्षेत्रको मौसम आंशिकदेखि सामान्य बदली हुने अनुमान छ । भारतको बिहारमा बनेको न्यून चापीय प्रणालीको प्रभावका कारण देशभर नै जाडो बढिरहेकाले चिसोबाट जोगिने उपाय अपनाउन मौसमविद्ले आग्रह गर्दै आएका छन् ।

यस्तै, उच्च पहाडी र हिमाली जिल्लामा हल्का हिमपातको सम्भावना छ। तराईका जिल्लामा पनि हुस्सु कुहिरो लागेको छ ।

मौसमविद् प्रतिभा मानन्धरका अनुसार प्रदेश १, बाग्मती र गण्डकी प्रदेशको पहाडी क्षेत्रमा आज हल्का वर्षाको अनुमान छ ।

तराईका जिल्लामा लागेको हुस्सु कुहिरो दिउँसो पछि मात्रै हट्ने सम्भावना छ।