पत्रकार महासंघको साधारणसभा कर्णली प्रदेशको सुर्खेतमा आज, राष्ट्रपति भण्डारीले उद्घाटन गर्ने

काठमाडौं, नेपाल पत्रकार महासंघको केन्द्रीय साधारणसभा सुर्खेतमा हुँदै छ । आज र भोलि कर्णाली प्रदेशको राजधानी वीरेन्द्रनगरमा साधारणसभा हुन लागेको हो ।

साधारणसभामा झण्डै ७ सयभन्दा बढी पत्रकारको सहभागिता रहने जनाइएको छ । कार्यक्रमको प्रमुख अतिथिको रूपमा राष्ट्रपति विद्यादेवी भण्डारी सुर्खेत जाने कार्यक्रम छ ।

यस्तै सञ्चार मन्त्री ज्ञानेन्द्र कार्की, कांग्रेस उपसभापति पूर्णबहादुर खड्का, एमाले महासचिव शंकर पोखरेल, नेकपा माओवादी केन्द्रबाट कृष्णबहादुर महरा, कर्णाली सरकारका मुख्यमन्त्री जीवनबहादुर शाही र कर्णालीका विभिन्न पालिकाका प्रमुखले अतिथिको रूपमा सहभागिता जनाउने छन् ।