२०७९ माघ १९
February 2, 2023, Thursday

उखुको समर्थन मूल्य तोक्न ढिलाइ हुँदा उधारोमै उखु बेच्दै किसान

उखुको समर्थन मूल्य तोक्न ढिलाइ हुँदा उधारोमै उखु बेच्दै किसान

सर्लाही, उखुको न्यूनतम समर्थन मूल्य निर्धारण गर्न ढिलाइ हुँदा किसान मारमा परेका छन् । उखु क्रसिङ सुरु भएको दुई साता बितिसक्दा पनि सरकारले अझै मूल्य निर्धारण गरेको छैन् ।

यसको मारमा उखु उत्पादक किसान परेका छन् । नेपाल उखु उत्पादक महासङ्घका अध्यक्ष कपिलमुनि मैनालीले सरकारले समयमा उखुको मूल्य निर्धारण नगर्दा किसानलाई समस्या परेको बताए ।

उत्पादनको लागत खर्च बढेकाले हामीले प्रतिक्विन्टल ७०५ रुपियाँ माग गरेका छौँ । उखुको लागत मूल्य बढेको र खेती गर्ने किसान पलायन भइसकेकाले पनि मूल्य बढाउनुपर्छ,” मैनालीले भने ।

गत वर्ष उद्योगले उखुको प्रतिक्विन्टल ५२० र सरकारले अनुदानबापत ७० गरी ५९० रुपियाँ कायम गरिएको थियो ।

कृषि तथा पशुपन्छी विकास मन्त्रालयले चालू आर्थिक वर्षका लागि उखुको समर्थनको प्रतिक्विन्टल ६०४ रुपियाँ प्रस्ताव गरेको छ । निर्वाचनलगायतका कारण उखुको मूल्य निर्धारण गर्न ढिलाइ भएको मन्त्रालयले जनाएको छ ।

मन्त्रालयकी सहसचिव सबनम सिवाकोटीले लागत मूल्य, ढुवानी र मुनाफा राखेर प्रतिक्विन्टल उखुको समर्थन मूल्य ६०४ रुपियाँ सिफारिस गरिएको जानकारी दिए ।

कृषि मन्त्रालय, उद्योगी, किसान प्रतिनिधिको छलफलबाट उखुको समर्थन मूल्य निर्धारण गरिएको उनले जानकारी दिए ।

मन्त्रिपरिषद्को बैठकले निर्णय गरेपछि उखुको समर्थन मूल्य कार्यान्वयनमा आउँछ । अधिकांश चिनी उद्योग सञ्चालनमा आइसकेका छन् भने केहीले सञ्चालन गर्ने तयारी गरेका छन् ।

किसानले अघिल्लो वर्षकै बक्यौता रकम पाउन नसकेको महासङ्घका अध्यक्ष कपिलमुनि मैनालीले बताए । सरकारले अनुदानबापत उपलब्ध गराउने प्रतिक्विन्टल ७० रुपियाँ भने प्राप्त गरिसकेको उनको भनाइ छ ।

पछिल्लो समय उखु खेती गर्ने किसान व्यवसायबाट पलायन हुँदै गएसँगै उत्पादन घट्दै गएको मैनालीले जानकारी दिए ।

Related News

व्यापारीको स्वार्थमा फेरि ब्युँताइँदै मोटरसाइकलमा दुई हेलमेट लगाउने असफल नियम
व्यापारीको स्वार्थमा फेरि ब्युँताइँदै मोटरसाइकलमा दुई हेलमेट लगाउने असफल नियम
  • २०७९ पुष ९, शनिबार ०८:५४ गते

काटमाडौं, मोटरसाइकल पछाडि बस्नेले पनि अनिवार्य हेल्मेट लगाउनुपर्ने विषयमा भौतिक पूर्वाधार मन्त्रालयमा छलफल भएपछि पक्ष र विपक्षमा बहस शुरु भएको...

एमाले अध्यक्ष ओली र बेलायती राजदूत पोलिटबीच भेटवार्ता
एमाले अध्यक्ष ओली र बेलायती राजदूत पोलिटबीच भेटवार्ता
  • २०७९ पुष ९, शनिबार ०८:५४ गते

काठमाडौं, नेकपा एमालेका अध्यक्ष केपी ओलीसँग नेपालका लागि बेलायतका राजदूत निकोला पोलिटले बुधबार शिष्टाचार भेटवार्ता गरेका छन् । सिंहदरबारस्थित एमाले...

सूचनाको हक प्रवर्द्धन गरेर मात्रै सुशासन प्रत्याभूत गराउन सकिन्छ : प्रधानमन्त्री दाहाल
सूचनाको हक प्रवर्द्धन गरेर मात्रै सुशासन प्रत्याभूत गराउन सकिन्छ : प्रधानमन्त्री दाहाल
  • २०७९ पुष ९, शनिबार ०८:५४ गते

काठमाडौ, प्रधानमन्त्री पुष्पकमल दाहालले सूचनाको हकको प्रत्याभूतिसँगै त्यसबाट समाजमा सुशासन कायम हुने बताएका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा...

TOP