देशभर थप १४ जनामा कोरोना संक्रमण पुष्टि

काठमाडौ, देशभर थप १४ जनामा कोरोनाभाइरसको संक्रमण पुष्टि भएको छ ।

८५८ जनाको नमूना परीक्षण गर्दा पीसीआर विधिबाट संक्रमण पुष्टि भएको स्वास्थ्य तथा जनसङ्ख्या मन्त्रालयले जानकारी दिएको छ ।

योसँगै देशभर सक्रिय संक्रमितको संख्या २७ पुगेको छ । यही अवधिमा थप १३ हजार ३३८ जनाले कोरोना विरुद्धको खोप लगाएका छन् ।

कोरोना महामारी सुरु भएयता देशभर १२ हजार १९ जनाले ज्यान गुमाइसकेका छन् ।