इमानसिंह आधारभूत विद्यालयलाई रिजालले दिए शैक्षिक सामाग्री

फिदिम, इतिहाँसकार स्व.इमानसिंह चमेम्जोङको १२० औं जन्मजयन्तीका अवसरमा समाजसेवी निर्मल रिजालले ५२ जना विद्यार्थीलाई न्यानो कपडा प्रदान गरेका छन् ।

बिद्यालयको २३ औं स्थापना दिवसका अवसरमा इमानसिंह आधारभूत विद्यालय फाल्गुनन्द ४ चिलिङदिनका विद्यार्थीलाई सामाग्री वितरण गरिएको हो ।

पाँचथर काठमाण्डौ सम्पर्क समितिको सभापति समेत रहेका रिजालले शैक्षिक क्षेत्रको उन्नती र विकाशका लागि सहयोग ग र्दै आएका छन् ।

स्थापना दिवसको कार्यक्रममा विद्यालयले बुक कर्नर स्थापना गर्नुका साथै विद्यार्थीहरुलाई शैक्षिक सामाग्रीसमेत वितरण गरेको छ ।

रिजालकै पहलमा कोरोना महामारीमा पनि पाँचथरका स्थानीयतहलाई २२ लाख बराबरको स्वास्थ्य सामाग्रीहरु उपलब्ध गराएका थिए ।

रिजालले मन्दिर निर्माण,खानेपानीको व्यस्थापन,लगायत ३७ रोपनी जमीन जयनारायण उच्च माध्यमिक विद्यालयलाई निःशुल्क प्रदान गरेका छन् ।

मेहेल्बोटे पुर्ख्यौली थलो भएका उनका हजुरबुबा जयनारायण रिजालले तात्कालीन राणा शासनको समयमा २००५ सालमा पाँचथरकै पहिलो विद्यालय स्थापना गरेका थिए ।

हाल जयनारायण स्मृति ट्रष्ट स्थापना गर्दै हजुरबुबाको पुरानो चार तले घर र चार रोपनी जग्गा ट्रष्टलाई हस्तान्तरण गर्न लागिएको उनले जानकारी दिए ।

५ जना शिक्षक र हाल ५२ जना विद्यार्थी रहेको यो विद्यालय राँके बजार नजिकै रहेको छ ।