२०८१ श्रावण ९
July 24, 2024, Wednesday

शीतलहरबाट उत्तर प्रदेशमा एकैदिन २२ जनाको मृत्यु

शीतलहरबाट उत्तर प्रदेशमा एकैदिन २२ जनाको मृत्यु

एजेन्सी, भारतको उत्तर प्रदेशमा शीतलहरबाट सृजित चिसोले एकैदिन हृदयाघातका कारण कम्तीमा २२ जनाको मृत्यु भएको छ ।

मृतकहरू उत्तर प्रदेशको राजधानी लखनउबाट ८८ किलोमिटर पश्चिमस्थित कानपुरका बासिन्दा भएको बताइएको छ ।

लक्ष्मीपत सिंघानिया इन्स्टिच्युट अफ कार्डियोलोजी एन्ड कार्डियाक सर्जरी (एलपीएस इन्स्टिच्युट अफ कार्डियोलोजी) कानपुरले जारी गरेको तथ्याङ्कअनुसार बिहीबार अस्पतालको आकस्मिक तथा बहिरङ्ग विभाग (ओपिडी) मा ७२३ जना मुटुका बिरामी आएका थिए ।

तीमध्ये अस्पतालमा सात जनाको उपचारकै क्रममा मृत्यु भएको र १५ जना अस्पताल नआइपुग्दै मृत घोषणा गरिएको थियो ।

अस्पतालका डाक्टरहरूले कानपुरमा फैलिएको शीतलहरका कारण रक्तचापमा अचानक वृद्धि भएको र त्यसले हृदयाघात निम्त्याएको बताइएको छ ।

‘कानपुरमा व्यापक शीतलहर बढेको छ जसका कारण हृदय रोगबाट पीडित मानिसहरूको सङ्ख्या ह्वात्तै बढेको छ,’ एलपीएस इन्स्टिच्युट अफ कार्डियोलोजीका निर्देशक विनय कृष्णले बताएका छन् ।

कानपुरका स्वास्थ्य विज्ञहरूले सबैलाई न्यानोमा रहन र घरभित्रै बस्न सल्लाह दिएका छन् । उत्तर भारत विगत केही दिनदेखि शीतलहरको चपेटामा परेको छ । उत्तरी राज्यहरूमा तापक्रममा उल्लेख्य गिरावट आएको छ ।

Related News

विवाहको वहानामा चीनमा मानव बेचबिखन गर्ने महिला पक्राउ
विवाहको वहानामा चीनमा मानव बेचबिखन गर्ने महिला पक्राउ
  • २०७९ पुष २३, शनिबार ०८:४३ गते

काठमाडौं । विवाहको वहानामा चीन पुर्याइ मानव वेचविखन गर्ने गरेको अभियोगमा नुवाकोटको किस्पाङ्ग गाउँपालिका १ ठेगाना भई चीनमै बस्दै आएकी...

सियोलमा एआई शिखर सम्मेलन ः बेलायत सहित बिकासशील देश सहभागी
सियोलमा एआई शिखर सम्मेलन ः बेलायत सहित बिकासशील देश सहभागी
  • २०७९ पुष २३, शनिबार ०८:४३ गते

काठमाडौं । आर्टिफिसियल इन्टेलिजेन्स (एआई) मानवताको हितमा प्रयोग हुनुपर्ने लक्ष्य सहित दक्षिण कोरियाको राजधानी सियोलमा शिखर सम्मेलन सुरु भएको ।...

इरानमा मोख्बर कार्यवाहक राष्ट्रपति नियुक्त
इरानमा मोख्बर कार्यवाहक राष्ट्रपति नियुक्त
  • २०७९ पुष २३, शनिबार ०८:४३ गते

काठमाडौं । इरानका प्रथम उपराष्ट्रपति मोहम्मद मोख्बर सोमबार इस्लामिक गणतन्त्रको कार्यवाहक राष्ट्रपति नियुक्त भएका छन् । राष्ट्रपति इब्राहिम रायसीको हेलिकप्टर...

TOP