सर्वोच्च बारको अध्यक्षमा लोकतान्त्रिक समूहका निरौला निर्वाचित

काठमाडौ, सर्वोच्च अदालत बार एसोसियसनको अध्यक्षमा लोकतान्त्रिक समावेशी (डिएलए) समूहका वरिष्ठ अधिवक्ता हरिशंकर निरौला निर्वाचित भएका छन् ।
३४ औँ कार्यसमिति निर्वाचनबाट पाँच पदाधिकारीमा तीनजना डीलएबाट र दुईजना पीएलएबाट निर्वाचित भएका छन् । सदस्यमा ६ जना डिलएबाट र चारजना पीलएबाट निर्वाचित भएका छन् ।

उपाध्यक्षमा लोकतान्त्रिक समूहकै अधिवक्ता जगदीशचन्द्र पाण्डे निर्वाचित भएका छन् । सचिवमा प्रगतिशील, पेसागत तथा गणतान्त्रिक (पीएलए) समूहका अधिवक्ता श्यामकुमार खत्री निर्वाचित भएका छन् ।

सहसचिवमा डीएलएबाट सुजन लोप्चन र कोषाध्यक्षमा पिएलएबाट कपिलचन्द्र पोखरेल निर्वाचित भएका छन् ।

महिला सदस्यमा पीएलएको तर्फबाट अधिवक्ता सिर्जना कट्टेल निर्वाचित भएकी छन् ।

सदस्य पदमा अधिवक्ताहरू उत्तमराज पाठक, अनुपराज उप्रेती, रेशमराज रेग्मी, रूपनारायण श्रेष्ठ, प्रभुजी पन्त, देवी रेग्मी (पोखरेल), सुमनकुमार केसी, रामकुमार राउत (मातृदास), भीमप्रसाद ढकाल निर्वाचित भएका छन् ।

१५ सदस्यीय कार्यसमितिको कार्यकाल दुई वर्षको रहनेछ ।