लोकदोहोरी गायिका छन्त्याल पनि यतिको यात्रु

काठमाडौ, आइतबार बिहान पोखरामा दुर्घटनाग्रस्त भएको यति एयरलाइन्सको विमानमा लोकदोहोरी गायिका निरा छन्त्याल पनि यात्रु रहेको खुलेको छ ।

उनी नेपाल छन्त्याल युवा संघले आइतबार आयोजना गरेको एक कार्यक्रममा मुख्य आकर्षकका रूपमा थिइन् ।

उनले पोखरा कार्यक्रमको पोस्टर आफ्नो फेसबुकको स्टोरीमा समेत पोष्ट गरेकी छन् ।

विमान चढ्नुअघि उनले आफ्नो फेसबुकमा एउटा तस्वीर राख्दै माघे संक्रान्तिको शुभकामना समेत दिएको देखिन्छ ।

बागलुङकी उनले स्वर दिएका केही लोकदोहोरी गीतहरू स्रोता दर्शकहरूले रुचाएका छन् ।

यस वर्ष तीजमा समेत नयाँ गीत ल्याएकी उनी लाइभ दोहोरी गायनमा पनि सक्रिय थिइन् । दुर्घटनापछि गायिका छन्त्यालको अवस्था खुलेको छैन ।

लोकदोहोरी कलाकारहरूको फेसबुकमा स्टाटस लेख्दै उनीबारे चिन्ता र चासो व्यक्त गरेका छन् ।