२०७९ माघ १९
February 2, 2023, Thursday

कोहलीको आक्रामक ब्याटिङमा भारतलाई कीर्तिमानी जीत, सिरिज गर्‍यो ‘क्लिन स्विप’

कोहलीको आक्रामक ब्याटिङमा भारतलाई कीर्तिमानी जीत, सिरिज गर्‍यो ‘क्लिन स्विप’

एजेन्सी, पाहुना टोली श्रीलंकाविरुद्धको एकदिवसीय सिरिज भारतले ‘क्लिन स्विप’ गरेको छ ।

गएराति सम्पन्न तेस्रो खेलमा ३ सय १७ रनको कीर्तिमानी जीत निकाल्दै भारतले सिरिज ३–० ले ‘क्लिन स्विप’ गरेको हो ।

एकदिवसीय क्रिकेटमा यो कुनै पनि टिमको अहिलेसम्मकै फराकिलो जीत हो । यसअघि न्युजिल्याण्डले सन् २००८ मा आयरल्याण्डलाई २ सय ९० रनले हराएको थियो ।

भारतले न्युजिल्याण्डको १५ वर्ष पुरानो रेकर्ड तोड्दै इतिहास रचेको छ । श्रीलंकाले यसपालि पनि भारत भ्रमणमा खराब प्रदर्शन गर्‍यो ।

सिरिजको तेस्रो खेलमा भारतले दिएको ३ सय ९१ रनको लक्ष्य पछ्याएको श्रीलंकाले २२ ओभरमा ७३ रन बनाउँदै सबै विकेट गुमायो ।

उसका लागि नुवानिदु फर्नान्डोले १९, कप्तान दासुन शानकाले ११ र कसुन रजिथाले अविजित १३ रन बनाए । बाँकी ब्याटरले भने दोहोरो अंकमा समेत रन जोड्न सकेनन् ।

भारतका लागि मोहम्मद सिराजले चार, कुलदीप यादव र मोहम्मद शामीले दुईरदुई विकेट लिए । त्यसअघि तिरुवनन्तपुरमस्थित ग्रीनफिल्ड अन्तर्राष्ट्रिय स्टेडियममा टस जितेर ब्याटिङ रोजेको भारतले निर्धारित ५० ओभरमा ५ विकेट गुमाएर ३ सय ९० रन बनायो ।

उसका लागि विराट कोहलीले र शुभमन गिलले शतकीय पारी खेले । ११० बलको सामना गरेका कोहलीले १३ चौका र आठ छक्कासहित अविजित १ सय ६६ रन बनाए ।

एकदिवसीयमा उनको यो ४६ औं शतक हो । त्यस्तै, गिलले ९७ बलमा १४ चौका र दुई छक्कासहित ११६ रन बनाए । एकदिवसीयमा उनको यो दोस्रो शतक हो ।

कप्तान रोहित शर्माले ४२, श्रेयस अय्यरले ३८, केएल राहुलले सात र सूर्यकुमार यादवले चार रन जोडे । श्रीलंकाका लागि कसुन रजिथा, लाहिरु कुमाराले दुईरदुई र चमिका करुणारत्नेले एक विकेट लिए ।

भारत सिरिजको पहिलो खेलमा ६७ रन र दोस्रो म्याचमा ४ विकेटले विजयी भएको थियो ।

Related News

सन्दीपको निलम्बन फुकुवा गर्ने क्रिकेट संघको निर्णय
सन्दीपको निलम्बन फुकुवा गर्ने क्रिकेट संघको निर्णय
  • २०७९ माघ २, सोमबार ०९:०५ गते

पोखरा, नेपाल क्रिकेट संघ (क्यान)ले बलात्कारको अभियोग झेलिरहेका क्रिकेटर सन्दीप लामिछानेको निलम्बन फुुकुवा गरेको छ । मंगलबार पोखरामा बसेको कार्यसमितिको...

आर्सनललाई हराउँदै सिटी एफए कपको पाँचौ चरणमा
आर्सनललाई हराउँदै सिटी एफए कपको पाँचौ चरणमा
  • २०७९ माघ २, सोमबार ०९:०५ गते

एजेन्सी, आर्सनललाई १-० ले पराजित गर्दै म्यानचेष्टर सिटी एफए कपको पाँचौ चरणमा प्रवेश गरेको छ । शुक्रबार राति भएको प्रिमियर...

रियाल मड्रिड कोपा डेल रेको सेमिफाइनलमा
रियाल मड्रिड कोपा डेल रेको सेमिफाइनलमा
  • २०७९ माघ २, सोमबार ०९:०५ गते

एजेन्सी, मड्रिड डर्वीमा एथलेटिकोलाई ३-१ गोलको नतिजामा पराजित गर्दै रियल स्पेनिस कोपा डेल रेको सेमिफाइनल प्रवेश गरेको छ । बिहीबार...

TOP