प्रिमियर लिगमा एभर्टनविरुद्ध वेस्ट ह्यामको सहज जीत

एजेन्सी, इंग्लिस प्रिमियर लिग फुटबलमा एभर्टनविरुद्ध वेस्ट ह्यामले सहज जीत निकालेको छ । गएराति सम्पन्न खेलमा वेस्ट ह्यामले एभर्टनविरुद्ध २–० को सहज जीत निकालेको हो ।

वेस्ट ह्यामको जीतमा दुवै गोल जारोड बोवेनले गरे । यो जीतपछि वेस्ट ह्यामको १८ अंक पुगेको छ । ऊ १५ औं स्थानमा रहेको छ । एभर्टन रेलिगेसन जोनमा छ । ऊ १९ औं स्थानमा छ ।

प्रिमियर लिगअन्तर्गत नै एस्टन भिल्लाले साउथह्याम्पटनलाई १–० ले हराएको छ । त्यस्तै, ब्राइटन र लेस्टर सिटीले २–२ गोलको बराबरी खेलेका छन् ।

क्रिस्टल प्यालेस र न्युकासल युनाइटेडले गोलरहित बराबरी खेले ।