२०७९ माघ १९
February 2, 2023, Thursday

जर्मनीले युक्रेनमा लियोपार्ड-२ ट्यांक पठाउने, रुससँगको युद्ध झनै चर्कने संकेत

जर्मनीले युक्रेनमा लियोपार्ड-२ ट्यांक पठाउने, रुससँगको युद्ध झनै चर्कने संकेत

एजेन्सी, चौतर्फी दबाव र तनावका बीच जर्मनीका चान्सलर ओलाफ स्कोल्जले युक्रेनमा अत्याधुनिक लियोपार्ड-२ लडाकु ट्यांक पठाउने निर्णय गरेका छन्।

‘चान्सलर स्कोल्जले आफ्नो देशबाट पनि लियोपार्ड-२ ट्यांक युक्रेन पठाउने र अरु देशलाई पनि पठाउन अनुमति दिने निर्णय गरेका छन्,’ जर्मन रिपोर्टहरुलाई उधृत गर्दै बीबीसीले लेखेको छ ।

लियोपार्ड-२ ट्यांक जर्मनीमा बनाइन्छ र जर्मनीले विशेष निर्णय गरेर मात्रै यसको निर्यात हुन्छ । जर्मनीले रूससँग द्वन्द्व बढ्न सक्ने चिन्तामा यो विषयमा लामो समय निर्णय गर्न सकेको थिएन ।

तर, नेटो राष्ट्रको चौतर्फी दबाबपछि स्कोल्जले कम्तिमा १४ वटा लियोपार्ड-२ ट्यांक युक्रेनमा पठाउने निर्णय गरेका खबरमा उल्लेख छ ।

अब जर्मनीले केहि ट्यांक पोल्याण्ड र बेलायतलाइ बेच्नेछ र उनीहरुले पनि युक्रेनलाई पठाउनेछन् ।

इन्टरनेशनल इन्स्टिच्युट फर स्ट्र्याटेजिक स्टडीजका अनुसार कम्तिमा १६ वटा युरोपेली र नेटो देशहरूसँग लियोपार्ड -२ ट्याङ्कहरू छन् । सबैले युक्रेनमा ट्याङ्कहरू पठाउने छैनन् ।

युक्रेनले रुससँगको युद्ध जित्न अझै तीन सय वटा आधुनिक मुख्य युद्ध ट्याङ्कहरू चाहिने बताउँदै आएको छ । तर, यदि आधा दर्जन पश्चिमी राष्ट्रहरू प्रत्येकले १४ वटा ट्याङ्कहरू उपलब्ध गराएमा जम्मा एक सयको हाराहारीमा मात्रै पुग्नेछ ।

बेलायतको च्यालेन्जर-२ , जर्मनीको लियोपर्ड-२ र अमेरिकाले बनाएका अब्रामहरू सहित पश्चिमी ट्याङ्कहरू सबै सोभियत युगका ट्यांक भन्दा उत्कृष्ट मानिन्छन् । अहिले युक्रेनले सोभियतकालिन हतियार भन्दा अत्याधुनिक हतियार चाहिएको बताउँदै आएको छ ।

लियोपार्ड-२ जस्ता ट्यांकले युक्रेनी टोलीहरूलाई थप सुरक्षा, गति र शुद्धता प्रदान गर्नेछन्। अब पश्चिमा देशले दिएका हतियार चलाउन युक्रेनी सेनालाई तालिम दिइनेछ ।

शक्तिसञ्चयका साथ आउँदो वसन्त याममा युक्रेनले रुसमाथि आफ्नो भूमिमा विजय हासिल गर्न सक्ने विश्लेषण बीबीसीले गरेको छ ।

रुसले युक्रेन युद्धमा ठूलो शक्ति गुमाएको र पश्चिमा देशले अत्याधुनिक हतियार पठाउन थालेका रुस कमजोर हुने आँकलन छ । युक्रेनले युद्ध सुरु भएदेखि नै पश्चिमा मुलुकसँग आधुनिक लडाकु विमान उपलब्ध गराउन पनि माग गर्दै आएको छ ।

Related News

कालीगण्डकीको शिला गोरखपुरमा, आज अयोध्या पुर्‍याइने
कालीगण्डकीको शिला गोरखपुरमा, आज अयोध्या पुर्‍याइने
  • २०७९ माघ ११, बुधबार ०८:३१ गते

गोरखपुर, भारत उत्तरप्रदेशको अयोध्यामा निर्माणाधीन राममन्दिरमा राख्नका लागि भगवान् रामको मूर्ति बनाउन नेपालको कालीगण्डकीबाट उत्खनन गरी पठाएको शिला मङ्गलबार राति...

राहुल गान्धीले पूरा गरे ‘भारत जोडो’ यात्रा, घृणाको बजारमा प्रेमको दोकान खुल्ला ?
राहुल गान्धीले पूरा गरे ‘भारत जोडो’ यात्रा, घृणाको बजारमा प्रेमको दोकान खुल्ला ?
  • २०७९ माघ ११, बुधबार ०८:३१ गते

राहुल गान्धीले ‘भारत जोडो’ यात्रा पूरा गरेका छन् । उनको यो पैदल यात्रा १४६ दिन लामो रह्यो । तीमध्ये १०...

पाकिस्तानमा बम विष्फोटमा परेर ज्यान गुमाउनेको संख्या ५९ पुग्यो
पाकिस्तानमा बम विष्फोटमा परेर ज्यान गुमाउनेको संख्या ५९ पुग्यो
  • २०७९ माघ ११, बुधबार ०८:३१ गते

एजेन्सी, पाकिस्तानको पेशावर सहरको एक मस्जिदमा भएको विष्टफोमा परी ज्यान गुमाउनेको संख्या ५९ जना पुगेको छ । यो मस्जिद पेशावरको...

TOP