पूर्वप्रधानसेनापति कटवाल आइसीयूमा

काठमाडौ, पूर्वप्रधानसेनापति रुकमाङ्गद कटवाल सैनिक अस्पतालमा उपचाररत छन् । दुवै मिर्गौला फेल भएपछि डायलासिस गराउँदै आएका उनी छाउनीस्थित सैनिक अस्पतालमा उपचार गराइरहेका हुन् ।

नेपाली सेनाका प्रवक्ता सहायक रथी कृष्णप्रसाद भण्डारीका अनुसार स्वास्थ्यमा थप समस्या देखिएमा कटवालको आइसियूमा राखेर उपचार भइरहेको छ ।

‘मिर्गौलामा समस्या देखिएपछि साताको दुई दिन डायलासिस गराइरहेनु भएको थियो । थप समस्या देखिएपछि उहाँ मंगलबारदेखि आइसियूमा हुनुहुन्छ’, भण्डारीले भने ।

उनका अनुसार कटवालको स्वास्थ्यमा क्रमिक सुधार भइरहेको छ । कटवाल २४ भदौ २०६३ मा नेपाली सेनाको प्रधानसेनापतिमा नियुक्त भएका थिए ।