काठमाडौं, विश्वकप क्रिकेट लिग–२ मा यूएईलाई पराजित गर्दै नेपाल विश्वकप क्वालिफायरमा पुगेको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपालले यूएईमाथि डिएल मेथडबाट जीत निकालेको हो।
खेलसँगै २ अंक जोडेको नेपाल तेस्रो स्थानमा उक्लिएको छ। ३९ अंक भएको नामिबिया चौथो स्थानमा झरेको छ।
यससँगै नेपाल जिम्बाब्वेमा हुने विश्वकप क्वालिफायरमा पुग्न सफल भएको छ ।
नेपालले ३११ रनको लक्ष्य पछ्याउँदै गर्दा ४४ ओभरमा खराब प्रकाशका कारण खेल रोकिएको थियो । त्यसबेला नेपालले ६ विकेट क्षतिमा २६९ रन बनाएको थियो ।
पछि खेल सम्भव नभएपछि नेपाल ९ रनले विजयी भएको हो । नेपालका लागि ४ खेलाडीले अर्धशतक बनाए ।
भीम सार्कीले ६७, आरिफ शेखले ५२, गुल्सन झाले अविजित ५० र कुशल भूर्तेलले पनि ५० रनको योगदान गरे ।
टस जितेर पहिले ब्याटिङ गरेको यूएईले पुरै ओभर खेलेर ६ विकेट क्षतिमा ३१० रन बनाएको थियो । यूएईका लागि असिफ खानले अविजित १०१ रनको पारि खेले ।
यस्तै वृत्य अरविन्दले ९४ र मोहम्मद वसिमले ६३ रन बनाए । नेपालका दीपेन्द्रसिंह ऐरीले २ तथा सन्दीप लामिछाने, ललित राजवंशी र सोमपाल कामीले १/१ विकेट लिए ।
नेपालले विश्वकप क्वालिफायर जिम्बाबेमा खेल्नेछ । जहाँ दक्षिण अफ्रिका, श्रीलंका, जिम्बाबे जस्ता टोली हुनेछन् ।
घोराही, वैशाख ५ गते। दाङको सतबरियामा रहेको सम्राट सिमेन्ट उद्योगले विद्युत महसुल नबुझाएपछि बिजुली काटिएको छ। सम्राट सिमेन्ट उद्योगले करिब ६...
काठमाडौँ, एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ ।...
बुटवल– सुप्रिम बचत तथा सहकारी संस्थाका पीडितहरू आन्दोलनमा उत्रेका छन् । संस्थाका पूर्व अध्यक्ष गितेन्द्रबाबु राईसहितका व्यक्तिलाई पक्राउको माग गर्दै...