शौचालय प्रयोग गर्न दिनेलाई सरसफाइ सामग्री दिन्छौः मेयर शाह

काठमाडौँ । काठमाडौँ महानगरपालिकाका मेयर बालेन शाहले सर्वसाधरणलाई शौचालय प्रयोग गर्न दिनेलाई सरसफाइका सामग्री दिने बताएका छन्। आइतबार बसेको कार्यपालिकाको बैठकमा बोल्दै मेयर शाहले सर्वसाधारण जनताका लागि प्रयोग गर्न दिने भनेका सरकारी, निजी संघसंस्थालाई सरसफाइका सामग्री दिने बताएका हुन्।

बैठकमा बोल्दै शाहले शौचालय सर्वसाधारणका लागि प्रयोग गर्न दिन कसैलाई पनि महानगरले जवरजस्ती कर नगरिएको भन्दै कर छुट दिन नसकिने बताएका हुन्।”‘हामीले कर गरेर शौचालय प्रयोग गर्न दिनु भनेको होइन। उहाँहरूले हामी सेवा दिन चाहन्छौं भन्नुभएको हो। उहाँहरूलाई कर छुट दिन सकिन्न। “

रेष्टुरेन्टलाई कर छुट दिँदा बैंकलाई दिन सकिन्छ कि सकिन्न भन्ने आउँछ।’शौचालय प्रयोग गर्न दिनेलाई महानगरका तर्फबाट हरेक चार महिनामा शौचालयमा प्रयोग हुने सरसफाइका सामग्री दिने शाहले बताए।