मुस्ताङ प्रदेशसभा–२ मा कांग्रेसका शेरचन विजयी,तीनवटै सिटमा कांग्रेसको कब्जामा

मुस्ताङ, मुस्ताङको प्रदेशसभा–२ को सदस्यमा कांग्रेसका विकल शेरचन विजयी भएका छन । उनले एमालेका चन्द्रमोहन गौचनलाई पराजित गरे ।

शेरचनले २ हजार ७ सय २३ मत पाएर विजयी बन्दा एमालेका गौचनले २ हजार ५ सय ६५ मत पाए । गौचन एमाले जिल्ला अध्यक्ष र २०७४ को निर्वाचनमा समानुपातिकतर्फ प्रदेश सांसद रहेका थिए ।

योसँगै मुस्ताङमा प्रत्यक्षतर्फका सबै प्रतिनिधिसभाको १ र प्रदेशसभाको २ निर्वाचन क्षेत्रको मतगणना सकिएको छ । तीनवटै सिट जितेर कांग्रेसले क्लिन स्विप गरेको छ ।