मनीषाले छिमेकीलाई समेत रिनमा डुबाएर फरार भएपछि…

काठमाडौं । आफ्नै श्रीमानको ६८ लाख पैसा डुबाएर फरार भएकी श्रीमती मनीषा लो ले छिमेकी विवेक राईसँग पनि पैसा लिएको खुल्न आएको छ ।

खोटाङ घर भएका हाल ललितपुर सोभाहिटिमा बसोबास गर्ने विवेक राईकी श्रीमतीसँग एक हप्ताको लागि भनेर १ लाख ८५ हजार मनीषाले लिएको राईले बताए ।

हामीले यस अघि मनीषाले आफ्नै श्रीमान् राजु कुमार लोलाई ६८ लाख ऋण लगाएर ९ वर्षीय छोरा सहित फरार भएको समाचार प्रसारण गरेको थियौँ । त्यो समाचार र भिडियो देखेपछि मनीषा लोबाट पीडित विवेक राई गुनासो गर्दै हाम्रो कार्यक्रममा आएका थिए ।

एक हप्ताको लागि भनेर आइएमइ मार्फत १ लाख र ह्याड क्यास ८५ हजार लिएकी मनीषाले २ वर्ष बित्ती सक्दा पनि नदिएको र हाल फरार रहेको भन्दै राईले कार्यक्रम जन गुनासोको अन्तरवार्तामा सुनाए ।

प्रस्तोता कुशलभ केसीसँग कुरा गर्दै उनले भने “मेरो श्रीमती र मनीषाको राम्रो चिनजान थियो । हाम्रो पसल र डेरा नजिकै नै थियो । मनीषाले आवश्यक कामको लागि भनेर एक हप्ताको लागि पैसा मागेको थिइन । तर पैसा दिएको पनि २ वर्ष बित्ती सक्यो ।” पुरा भिडियो हेर्नुहोस्