सुशासन, विकास, स्थायित्व र स्वाधीनतका पक्षमा प्रतिबद्ध एमालेप्रति जनताको विश्वास बढेको छः अध्यक्ष ओली

एमाले पार्टी र त्यसका नेताहरूलाई जतिसुकै गालीगलौज गरे पनि नेपाली जनताले विश्वास नगर्ने उल्लेख गर्दै अध्यक्ष ओलीले भन्नुभयो, “ अहिले हामी सरकारमा छौँ, जनताकाबीच पुगी अझ विश्वास जित्न सक्यौँ भने ८४ सालमा हुने निर्वाचनमा बहुमत प्राप्त गर्नबाट एमालेलाई कसैले पनि रोक्न सक्दैन । जनताकामाझ गई सक्रिय भएर काम गरौँ ।”

साथै, उनले सीमाका बारे भारतसँग छलफल गरेर संवादमार्फत समस्याको समाधान गर्नुपर्ने भन्दै दुई देशले नेपालको भूमिबाट व्यापार गर्ने भनेपछि दुईवटै देशकाबीच आवाज उठाएको हुनाले तेस्रो देशलाई बीचमा ल्याउने काम नगरेको स्पष्ट पारे ।

कुनैपनि अन्तर्राष्ट्रिय मञ्चमा राष्ट्रको राष्ट्रिय हित र अडान नछाड्ने भन्दै देशको हितको लागि महत्वपूर्ण भूमिका खेल्ने स्पष्ट धारणका साथ अगाडि बढेको पनि उनको भनाइ छ ।

उनले भने, ‘कुनै पनि अन्तर्राष्ट्रिय मञ्चमा आफ्नो राष्ट्रिय हित र अडान छाड्ने छैनौ, बेठिक कुरा पनि गर्दैनौ । देशको हितको लागि महत्वपूर्ण भूमिका खेल्छौ र नेपालको धारण स्पष्ट रुपमा राख्न पर्छ भन्ने पनि हाम्रो पार्टीको मान्यता हो र त्यही बोकेर म हिडेको हो ।’